Znajšli statuetku «Oskara» Paŭła Tałankina, što zhubiłasia padčas pieralotu ź Ńju-Jorka ŭ Frankfurt
Uznaharoda, atrymanaja za dakumientalnuju stužku pra ŭpłyŭ prapahandy na padletkaŭ u Čalabinskaj vobłaści, źnikła paśla taho, jak amierykanskija słužby biaśpieki prymusili režysiora zdać jaje ŭ bahaž.
Avijakampanija Lufthansa znajšła załatuju statuetku ŭ aeraporcie Frankfurta-na-Majnie, piša Deutsche Welle.
Pres-słužba avijakampanii aficyjna paćvierdziła, što statuetka «Oskar» Paŭła Tałankina znachodzicca ŭ biaśpiecy ŭ Hiermanii. Pieravozčyk užo prynios prabačeńni režysioru i ciapier vyśviatlaje, ci zastajecca jon u Frankfurcie, kab arhanizavać pieradaču ŭznaharody.
Paralelna kampanija pravodzić unutranaje rasśledavańnie, kab zrazumieć, jakim čynam kaštoŭny hruz byŭ stračany padčas transparciroŭki.
Historyja sa źniknieńniem statuetki zdaryłasia 29 krasavika padčas pieralotu Tałankina ź Ńju-Jorka. Pierad vyletam z aeraporta imia Džona Kienedzi supracoŭniki biaśpieki ZŠA paličyli «Oskar» patencyjna niebiaśpiečnym pradmietam i zapatrabavali adpravić jaho ŭ bahažnaje adździaleńnie, paśla čaho suviaź z uznaharodaj była stračana. Hety incydent vyklikaŭ chvalu abureńnia siarod kiniematahrafistaŭ i hramadskaści.
Pavieł Tałankin atrymaŭ premiju Amierykanskaj kinaakademii za film «Mistar Nichto suprać Pucina», jaki zasnavany na ŭnikalnych zdymkach adnoj sa škoł Čelabinskaj vobłaści. Režysior, jaki pakinuŭ Rasiju ŭ 2024 hodzie, pakazaŭ, jak mienavita ŭ školnych ścienach farmavalisia nastroi maładoha pakaleńnia rasijan.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary