10 žniŭnia pamior fatohraf i piśmieńnik, majstra mastactva vycinanki Viačasłaŭ Dubinka.
10 žniŭnia pamior fatohraf i piśmieńnik Viačasłaŭ Dubinka. Jaho enierhii i lubovi da žyćcia mahli b pazajzdrościć i maładyja.
Naradziŭsia Viačasłaŭ Dubinka 17 śniežnia 1941 hoda. U 60‑ch hadach pracavaŭ fotakarespandentam lubanskaj, salihorskaj i łahojskaj rajonak. Paśla była praca ŭ respublikanskich hazietach «Źviazda», «Čyrvonaja źmiena», u studyi «Fota i žyćcio» Sajuza žurnalistaŭ Biełarusi, u restaŭracyjnaj majsterni Ministerstva kultury. Z 1981 h. — u časopisie «Biełaruś». Viačasłaŭ Dubinka byŭ siabram Sajuza biełaruskich piśmieńnikaŭ i Sajuza mastakoŭ Biełarusi. Jon — aŭtar fotanarysaŭ, fotaalbomaŭ, knih publicystyki i prozy.
Viačasłaŭ Dubinka adradziŭ ŭ Biełarusi mastactva vycinanki. Talenavity majstra nazyvaŭ svoj ulubiony zaniatak vyrazańniem kazak.
U svaim apošnim intervju «IK» u mai hetaha hoda Viačasłaŭ Andrejevič havaryŭ pra toje, jak škaduje ab tym, što ŭ maładości šmat rastraciŭ žyćciovaha zapału. «Choć ty pačni žyćcio spačatku. Ale ciahnik pahnaŭ za niebakraj».
Kožny dzień, pačynajučy sa śvitańnia, u Viačasłava Dubinki adbyvałasia intervju z samim saboj.
«Tolki subiasiedniki samyja roznyja. I tyja, chto pajšoŭ z žyćcia, kidajuć niazručnyja pytańni, adkaz na jakija nie znachodzicca. Usie my žyviom, čakajučy dziva, hrošaj, novaj kvatery, čarhovaha śviata, padarožža ŭ dzivosnuju krainu…».
Apošniaje intervju Viačasłava Dubinki.
Drukavaŭsia sp.Dubinka i staronkach NN.
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
-
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
Kamientary