1947 hod. Dva palicejskija raśśledujuć zabojstva aktorki. Vyšuk pryvodzić ich u halivudzki bahaty dom, da kachanak – i ŭzajemnaha vykryćcia...
Čornaja archideja (Black Dahlia).
ZŠA–Niamieččyna, 2006, kalarovy z čorna-biełym, 120 chv.
Žanr: film-nuar pavodle ramanu Džejmza Ełroja.
Adznaka: 5,5 (z 10).
1947 hod. Dva palicejskija raśśledujuć zabojstva aktorki. Vyšuk pryvodzić ich u halivudzki bahaty dom, da kachanak – i ŭzajemnaha vykryćcia...
Karcina Brajana De Palmy – sproba viarnucca ŭ załatyja časy filmaŭ nuar. Roskvit čornych karcinaŭ pryjšoŭsia na sarakavyja hady, kali ludzi dobra pamiatali Vialikuju Depresiju j hanhsteryzm. Etalony filmaŭ nuar – «Maltyjski sokał» z Hemfry Bohardam i «Padvojnaja strachoŭka». U 70-ja Raman Palanski paŭtaryŭ pośpiech čornych karcinaŭ stužkaju «Kitajski kvartał».
Narešcie, da žanru źviarnuŭsia j majstar trymcieńnikaŭ Brajan De Palma.
Atmasfera ŭ takich filmaŭ zmročnaja, fatalna-pesymistyčnaja, aśviatleńnie načnoje. Učynki praciatyja zdradaj i žarściami. Hieroj nie adroźnivajecca ad antyhieroja, a žančyna – spakušalna-cyničny vorah.
Usio heta ŭ filmie De Palmy jość.
Nuaraŭski kryminalny trochkutnik uskładnieny «ramanam» ź miortvaj aktorkaj, jakaje maje žyvoha dvajnika – čarniaŭku z šykoŭnymi vałasami (Hiłary Sŭonk). Procilehłaść joj – fatalnaja blandynka (stylova-vykštałconaja ihra Skarlet Jochansan). Zdrada pakryvaje zdradu, padman idzie za padstavaj.
Brajan De Palma ŭdała hraje z epochaju, Halivudam i žanram.
Ale ŭ sercy «Čornaje archidei» – dalikatnaja imitacyja. Džoš Hartnet i Aaron Ekhart – nia Hemfry Bohard. A fraza «Ty mianie chočaš trachnuć, a nie zabić» u vusnach fatalnaje pryhažuni – nie adpaviadaje aŭry sarakavych.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary