29 studzienia na Siadzibie Partyi BNF adbyŭsia čarhovy źjezd moładzievaha kryła AHP.
29 studzienia na Siadzibie Partyi BNF adbyŭsia čarhovy źjezd «Maładych demakrataŭ». Heta moładzievaje kryło Abjadnanaj hramadzianskaj partyi.
Ad starejšaj arhanizacyi na mierapryjemstva pryjšli namieśnik staršyni AHP Leŭ Marholin i mižnarodny sakratar partyi Andrej Dźmitryjeŭ.
Hałoŭnym pytańniem źjezdu byli vybary novaha staršyni.
Były lidar Michaił Paškievič admoviŭsia bolš bałatavacca na pasadu. Sprava ŭ tym, što Michaś ciapier pracuje ŭ Maskvie i nie zdolny z adlehłaści kiravać arhanizacyjaj.
U spravazdačach najbolšaja sprečka zajšła adnosna niadaŭniaj vybarčaj kampanii. Nie sakret, što častka siabroŭ «Maładych demakrataŭ» syšła pracavać na kampaniju «Havary praŭdu», a inšyja padtrymali svajho partyjca Jarasłava Ramančuka. Haračaje abmierkavańnie zvodziłasia da taho, ci nie parušali «niaklajeŭcy» pałažeńnie ab niaŭdziele ŭ kamandach inšych kandydataŭ.
Na pasadu staršyni vyłučyłasia dva čałavieki — kiraŭnik štabu Ramančuka pa Minsku Aleh Korban i ekanamist Fiodar Maślenikaŭ.
Pramova Korbana była detalova padrychtavanaja. Aleh doŭha tłumačyŭ svaje kroki, kali budzie abrany na pasadu. Fiodar byŭ bolš łakaničny. Jon prapanavaŭ zasiarodzicca na peŭnych pytańniach, jakija mahčyma vyrašyć. Jak, naprykład, kruhłasutačnaje mietro ŭ Minsku.
Padlik hałasoŭ zrabili adkrytym.
Siabry «vybarčaj kamisii» pakazvali prysutnym kožny biuleteń i nazyvali proźvišča. U vyniku za Korbana prahałasavała 35 čałavieka, za Maślenikava — tolki 15.
Alehu Korbanu 25 hadoŭ. Jon minčuk. U nacyjanalny ruch pryjšoŭ u piatnaccacihadovym uzroście. Skončyŭ mašynabudaŭničy licej. Potym navučaŭsia ŭ Mižnarodnym humanitarnym ekanamičnym instytucie. Ciapier praciahvaje navučańnie ŭ Kijevie.
U 2007 hodzie Korban prajšłoŭ praz kryminalnuju spravu za ŭdzieł u niezarehistravanaj arhanizacyi — «Małady front». Atrymaŭ štraf.
Apošnim časam aktyŭny siabra AHP. Paśpiachova pravioŭ u Minsku kampanii pa zbory podpisaŭ za Jarasłava Ramančuka. Paśla vybaraŭ byŭ aryštavany i znachodziŭsia ŭ izalatary KDB, ale 7 studzienia byŭ adtul vyzvaleny. Status abvinavačanaha z Korbana nie źniaty.
Aleh kaža, što navat, kali apyniecca znoŭ u turmie, to paśpieje stvaryć bajazdolnuju kamandu ŭ «Maładych demakratach», jakaja zmoža pracavać i bieź jaho.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary