Analityki banka Raiffeisen rajać Łukašenku devalvacyju i pryvatyzacyju

U advarotnym vypadku Biełaruś čakajuć finansavyja ciažkaści.

Biełaruskim uładam pryjdziecca tym ci inšym čynam vyrašyć prablemu admoŭnaha salda zamiežnaha handlu, ličać analityki banka Raiffeisen. Inačaj u krainie nie zastaniecca zołatavalutnych reziervaŭ.

Aŭstryjski bank Raiffeisen aktyŭna ŭciahnuty ŭ apieracyi ź Biełaruśsiu. Hrupie Raiffeisen naležyć biełaruski «Pryjorbank», što robić jaje ŭnikalnym jeŭrapiejskim udzielnikam biełaruskaha finansavaha rynku.

Kamientujučy zajavu Nacbanka Biełarusi, što źnižeńnie zołatavalutnych reziervaŭ u studzieni na 14% vyklikana siezonnymi vahańniami, ekśpierty advodziać siezonnaści apošniaje miesca ŭ śpisie pryčyn, a najpierš adznačajuć dyrektyŭny rost ekanomiki i kredytavańnia, pavyšeńnie zarpłat i skaračeńnie rasijskich enierhietyčnych subsidyj.

U vypadku zachavańnia ciapierašniaha ekanamičnaha trendu, havorycca ŭ analityčnaj zapiscy banka, valutnyja zapasy krainy buduć źmianšacca navat na 500 młn dalaraŭ u miesiac. Situacyja paharšajecca i tym, što kala 50% zamiežnaj zapazyčanaści krainy — 12,5 młrd dalaraŭ — prypadaje na karotkaterminovyja abaviazacielstvy (da 12 miesiacaŭ), što stvaraje surjoznuju prablemu refinansavańnia.

Na dumku Raiffeisen, prablema lažyć u strukturnaj płoskaści, a tamu ŭ biełaruskich uładaŭ niebahaty vybar instrumientara. U pryvatnaści, heta praciah raspačataj u 2009 hodzie palityki zamiežnych zapazyčańniaŭ, uzmacnić jakuju možna prodažam biełaruskaj dziaržułasnaści zamiežnym inviestaram.

Akramia taho,

nieabchodna devalvacyja biełaruskaha rubla, jakaja pryviadzie da padaražeńnia impartu i patańnieńnia ekspartu,

Analityki prahnazujuć, što ŭ najbližejšyja miesiacy zołatavalutnyja reziervy Biełarusi praciahnuć źnižacca.

Kali niepapularnyja miery nie buduć pryniatyja, to, na dumku analitykaŭ, heta vykliča rost niedavieru da biełaruskaj finansavaj sistemy, pavyšeńnie stavak pa biełaruskich jeŭrabondach i źnižeńnie suvierennaha rejtynhu krainy. U apošnich vypadku Biełaruś iznoŭ stanie krytyčna zaležnaj ad dziaržaŭnaj finansavaj dapamohi Rasii.

U studzieni valutnyja reziervy Biełarusi źnizilisia na 670 młn dalaraŭ. Deficyt zamiežnaha handlu ŭ 2010 hodzie dasiahnuŭ rekordnaha pamieru 7,4 młrd dalaraŭ, što na 1,9 młrd bolš, čym u 2009 hodzie. Pry takim pieravyšeńni impartu nad ekspartam kraina budzie niepaźbiežna zaležać ad zamiežnych kredytaŭ.

• 0
• 0
• 0
• 0
• 0
• 0
• 0
• 0