Kurs apuściŭsia da rynkavaha ŭzroŭniu, jaki isnavaŭ pierad dadatkovaj siesijaj.
Kab jon apuskaŭsia dalej, patrebny interviencyi Nacbanka. Ci rašacca ŭłady na takija vytraty?
Kurs dalara ŭ abmieńnikach i na čornym rynku zamior.
Ad druhoj pałovy minułaha tydnia jon trymajecca na ŭzroŭni 7200–7800 rubloŭ za dalar. Chto pamiataje, heta roŭnieńka toj kurs, na jakim čorny rynak stabilizavaŭsia pierad uviadzieńniem dadatkovych siesij na biržy.Paśla byŭ naŭździŭ vysoki kurs dadatkovaj siesii, i jaho tydniovaje apuskańnie pad fanfary.
Nasupierak mierkavańniu mnohich ekanamistaŭ, adkładzieny popyt na rubli byŭ vyšejšy, čym adkładzieny popyt na dalary, tamu paśla «raskarkoŭki» abmieńnikaŭ bolš ludziej paniesła tudy valutu zdavać. U vyniku rubiel padyšoŭ da važnaha psichałahičnaha parohu 7500. Ci hatovyja ludzi zdavać dalar pa nižejšaj canie? I ci hatovy Nacbank zabiaśpiečyć dahetul niespatoleny valutny hoład małoha pryvatnaha biznesu? Ad adkazu na hetyja pytańni zaležyć dalejšaja dynamika kursu.
Pakul rubiel staić.U Minsku najnižejšy kurs prodažu rubloŭ pa stanie na 16.00 paniadziełka vystaviŭ «Bank Handlovy kapitał» — 7650 rubloŭ (u piatnicu było stolki ž). Što da bujnych bankaŭ, jany staviać kurs 7700–7850 rubloŭ (u piatnicu było 7800–7900).
Jeŭra najtańniej kuplać za 10 350 rubloŭ u «Absalutbanku» (było 10400).
«Bank Handlovy kapitał» kuplaje dalary pa 7600 rubloŭ (u piatnicu najlepšy kurs składaŭ 7580), a «Biełśvisbank» — jeŭra za 10 180 (było 10 210) rubloŭ.
«Biełarusbank» siońnia kuplaje dalary za 7350–7450 rubloŭ, jeŭra — za 9950–10 000. Dalary pradajucca za 7800–7900, jeŭry —za 10 600–10650.
Abmieny valutaj praz
Cikava, što apošnija tydni rasijski rubiel i złoty padajuć adnosna dalara i jeŭra. Pahroza suśvietnaha ekanamičnaha kryzisu bje pa mienš nadziejnych valutach.
Kamientary