Sudy ŭ Smarhoni: mastakoŭ prysudzili da vialikich štrafaŭ
Pakarańnie za ŭšanavańnie pamiaci Raścisłava Łapickaha tydzień tamu.
10 vieraśnia Smarhonski rajonny sud praciahnuŭ razhlad administracyjnych spraŭ mastakoŭ Valancina Varaniščy, Hienadzia Drazdova i Alesia Puškina,jakija 2 vieraśnia zładzili akcyju ŭšanavańnia ŭhodkaŭ narodzinaŭ Raścisłava Łapickaha — kiraŭnika antykamunistyčnaha padpolla paśla vajny. Razam ź imi byŭ zatrymany aktyvist Uładzimir Šulžycki.
Nahadajem, mastaki z karcinami ŭ rukach paśla malebna ŭ carkvie prajšli vulicami Smarhoni, byli zatrymanyja i noč praviali ŭ pastarunku. Na nastupny dzień, 3 vieraśnia, pačaŭsia razhlad ich spravy. Na ŭsich ŭdzielnikaŭ akcyi byli składzieny pratakoły ab niesankcyjanavanym šeści (art. 23.34 KoAP RB). Aleś Cyrkunoŭ byŭ aštrafavany 3 vieraśnia na 1 młn rubloŭ (10 bazavych vieličyń). Astatnija zapatrabavali advakataŭ, tamu sudy pieranieśli na 10 vieraśnia.
Siońnia, 10 vieraśnia, sudździa Ludmiła Piatrova aštrafavała Hienadzia Drazdova na 3 młn rubloŭ,spasłaŭšysia pry hetym na tuju akaličnaść, što mastaka ŭžo abvinavačvali pa artykule 23.34 KoAP (udzieł u niesankcyjanavanym masavym mierapryjemstvie).
Valancin Varanišča pakarany štrafam u pamiery 10 bazavych vieličyń (1 młn rubloŭ).
Uładzimir Šulžycki pakarany štrafam 3 miljony rubloŭ.
Sud nad Alesiem Puškinym pieranieśli na 24 vieraśnia. Niekalki hadzin pra mastaka ničoha nie było viadoma: A 17-j hadzinie jon vyjšaŭ z budynka suda ŭ nieviadomym kirunku, ale pozna viečaram dabraŭsia da doma smarhonca Valancina Varaniščy.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary