Дзяды ў Антвэрпэне
30 кастрычніка беларуская грамада ў Антвэрпэне (Бэльгія) адзначыла Дзяды. Вернікі разам са сьвятаром наведалі могілкі ў Лёвэне, дзе на магіле кампазытара Міколы Равенскага была адпраўлена паніхіда за душы ўсіх «прашчураў-дзядоў Беларускага народу», паведамляе Беларуска-эўрапейскае задзіночаньне. У беларусаў Бэльгіі стала добрай традыцыяй у памятныя дні зьбірацца на месцы пахаваньня аўтара музыкі «Магутнага Божа».
13 год у “псіхушцы”
У Кітаі пасьля 13 год знаходжаньня ў псыхіятрычным шпіталі выпушчаны на свабоду 56-гадовы дысыдэнт Вонг Вансінг. Ён у 1992 г. выйшаў на пэкінскую плошчу Цянаньмэнь, каб адзначыць трэція ўгодкі крывавага разгону студэнцкай дэманстрацыі. Вонг трымаў плякат, які заклікаў Кампартыю даць ацэнку падзеям 1989 г., а таксама рэпрэсям падчас культурнай рэвалюцыі ў Кітаі. Вонга зьмясьцілі ў псыхіятрычны шпіталь з дыягназам “параноя”.
МБ
Японская праграма дапамогі бедным
Цягам пяці гадоў аб’ём дапамогі бедным краінам, якая ў 2003—2004 г. склала 89 млрд даляраў, будзе павялічаны на 10 млрд даляраў. Японія — адна зь вядучых краінаў-донараў, на якую прыпадае 20% сусьветных аб’ёмаў фінансавае падтрымкі трэцяга сьвету. 60% усей дапамогі ідзе ў краіны Азіі.
Асноўныя мэты праграмы — барацьба з галечай і спрыяньне ўстойліваму разьвіцьцю.
Падрыхтаваў Павал Лычкоўскі
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары