Яўген Дога: «Прыйдзе час, калі рускія будуць у нас прасіць прадаць ім яблыкі і купіць іх газ»
Слынны малдоўскі кампазітар хоць і жыве ў Маскве, але смела абараняе гонар сваёй радзімы.
«Які яшчэ Усход?! Прашу, канчайце з гэтым. Мы ў Еўропе жывём ці мы на Чукотцы? Людзей дураць!
Нельга жыць у Еўропе, а хацець ў Азію, — сказаў Яўген Дога
ў інтэрв'ю малдаўскаму выданню Unimedia ў часе апошняга прыезду ў Кішынёў. — Вы даўно не былі ў Сібіры? Вы хочаце туды? Я толькі што прыехаў адтуль, даваў канцэрты. Адна справа, калі едзеш у Сібір па сваёй волі, іншае — калі цябе вязуць у цялячым вагоне…
Прыйдзе час, калі рускія будуць у нас прасіць прадаць ім яблыкі і купіць іх газ», — падбадзёрваў ён сваіх землякоў.
Варта нагадаць, што Расія забараніла імпарт малдаўскай садавіны ды іншай прадукцыі, каб такім чынам падарваць жыццёвы ўзровень людзей у краіне, што імкнецца ў Еўрасаюз.
Яўген Дога — вядомы кампазітар, аўтар трох балетаў, музыкі да папулярных кінафільмаў, да адкрыцця і закрыцця Алімпіяды-80.
Дога таксама лічыць, што «калі ўкраінцы хочуць у Еўропу, не трэба іх спыняць, бо, па сутнасці, яны — еўрапейцы».
Пра гэта Дога заявіў у інтэрв'ю інфармагенцтву «Укрінфарм». «Украіна — еўрапейская краіна, і не проста еўрапейская, а адным сваім крылом «яна амаль у цэнтры Еўропы», — сказаў ён.
Паводле яго слоў, ён «не асуджае і Расею», таму што «збольшага я жыву ў Маскве, і для мяне таксама неабыякавы лёс гэтай краіны». «Аднак, гэта больш еўраазіяцкая краіна, большай сваёй часткай яна ў Азіі, і нармальна, што яна імкнецца ў Еўразію», — сказаў кампазітар.
Пры гэтым ён «асудзіў» анексію Крыма Расеяй. «Не перастаю задавацца пытаннем: чаму ён павінен быць рускім? Бо яшчэ ў турэцкую вайну яго грудзьмі абаранялі не сібіракі. Там змагаліся і ўкраінцы, і нават чатыры малдаўскія палкі. Яны ваявалі за Крым. Чаму ж цяпер спрабуюць прадставіць адну «групу крыві» больш якаснай? А як жа з астатнімі?!» — здзіўляецца Дога.
Пры гэтым Дога заклікае захаваць сяброўства паміж постсавецкімі рэспублікамі і іх народамі. «Але не тое, якое нам навязвалі штучна, а тое, якая стагоддзямі існавала паміж нашымі народамі, пераплеценымі культурамі, любоўю, нацыянальнымі і сямейнымі повязямі», — растлумачыў ён.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4848
Каментары