На Барысаўшчыне 79‑гадовая пенсіянерка спрабавала спаліць дом з унукам і яго дзяўчынай
Бабуля лічыла дзяўчыну кепскай парай для ўнука.
У вёсцы Кімія Барысаўскага раёна 79‑гадовая жанчына здзейсніла спробу падпалу дома — ёй не падабаўся выбар унука, піша «Мінская праўда».
Па інфармацыі СК, у ноч на 28 ліпеня пажылая жанчына, незадаволеная раманам свайго ўнука з мясцовай жыхаркай, прыйшла да дома дзяўчыны і паленам разбіла шыбу. Тады яе супакоіла суседка, і пенсіянерка сышла.
Аднак пазней, калі маладыя людзі вярнуліся і глядзелі тэлевізар, бабуля прыйшла зноў, абліла памяшканне праз разбітае акно гаручай вадкасцю і падпаліла.
Дом з маладымі людзьмі не згарэў, бо хлопец з дзяўчынай яшчэ не спалі і здолелі хутка патушыць агонь.
Жанчына затрыманая і не адпрэчвае сваёй віны.
Аказалася, што раней яна ўжо мела судзімасць за падпал.
Супраць пенсіянеркі распачата крымінальная справа за замах на наўмыснае знішчэнне маёмасці, ёй пагражае да 10 гадоў пазбаўлення волі.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе9
Каментары