Пры атацы на турбазу ў акупаванай Кірылаўцы Запарожскай вобласці загінуў супрацоўнік Раскамнагляду, які ўдзельнічаў у «СВА», і яго дзеці
Падчас удару па базе адпачынку ў акупаваным пасёлку Кірылаўка Запарожскай вобласці загінуў кіраўнік мясцовага ўпраўлення Галоўнага радыёчастотнага цэнтра 54‑гадовы Міхаіл Іванаў і двое яго непаўналетніх дзяцей, паведамілі ў Раскамнаглядзе. Загінулы чыноўнік больш за 20 гадоў служыў у расійскім войску.
«З глыбокім болем паведамляем пра гібель Міхаіла Уладзіміравіча Іванова — начальніка ўпраўлення Запарожскай вобласці філіяла ФДУП «Галоўны радыёчастотны цэнтр» у Рэспубліцы Крым і горадзе Севастопалі — і яго непаўналетніх дзяцей… Калектыў Федэральнай службы па наглядзе ў сферы сувязі, інфармацыйных тэхналогій і масавых камунікацый і Федэральнага дзяржаўнага ўнітарнага прадпрыемства «Галоўны радыёчастотны цэнтр» выказвае шчырыя спачуванні родным і блізкім Міхаіла Уладзіміравіча, Каці і Андрэя — у гэтую цяжкую гадзіну мы сумуем разам з вамі», — гаворыцца ў паведамленні Раскамнагляда.
Узрост загінулых дзяцей не называецца.
Таксама атрымала раненні жонка Іванова, яе даставілі ў бальніцу.
Міхаілу Іванову было 54 гады, піша «Астра». Ён служыў ва УС РФ больш за 20 гадоў, а з мая 2023 года ўзначальваў упраўленне ГРЧЦ па Запарожскай вобласці.
З верасня 2025‑га да сакавіка 2026 года Іваноў удзельнічаў у «СВА».
ГРЧЦ — падведамасны Раскамнагляду Галоўны радыёчастотны цэнтр, які кантралюе выкарыстанне радыёчастот і працу сродкаў сувязі ў Расіі.
У ноч на 25 ліпеня Украіна атакавала базу адпачынку ў акупаванай Кірылаўцы на Азоўскім моры. Загінулі 12 чалавек, у тым ліку пяцёра дзяцей. Пацярпелі 19. Следчы камітэт РФ распачаў крымінальную справу аб тэракце.
Украінскае выданне «РІА Південь» з Мелітопаля піша, што знішчаныя базы адпачынку «Алеон» і «Белуга» выкарыстоўваліся расійскімі вайскоўцамі.
Паводле даных журналістаў, на базе «Алеон» размяшчаліся расійскія афіцэры, а ў «Белузе» спыняліся сілавікі і вайсковае кіраўніцтва. Пры гэтым выданне пацвярджае, што ў некаторых пакоях жылі цывільныя асобы. Афіцыйнага пацвярджэння гэтай інфармацыі няма.
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць30
Каментары
И кто там "отдыхает", почему, зачем и в каком составе, знают только фсб, росгвардия и разведка Украины...