Грамадства1111

Суд прыпыніў разгляд справы аб абароне гонару і годнасці Люцыі Лушчык

Суд Цэнтральнага раёна Мінска прыпыніў разгляд справы аб абароне гонару, годнасці і дзелавой рэпутацыі жонкі бізнэсоўца Андрэя Герашчанкі, тэлевядучай Люцыі Лушчык. Прычына — сустрэчны пазоў Ілоны Герашчанка, былой жонкі бізнэсмена.

Бізнэсовец Андрэй Герашчанка з адвакаткай.

23 снежня ў суд прыйшлі бізнэсовец Андрэй Герашчанка з адвакаткай Яўгеніяй Патапавай і Ганна Дакуцька, адвакатка былой жонкі Герашчанкі Ілоны. Самой тэлевядучай у зале суда не было, паведамляе Tut.by.

Хадайніцтва адваката Люцыі Лушчык — разглядаць справу ў закрытым рэжыме — суд адхіліў.

У працэсе высветлілася, што 22 снежня ў суд Цэнтральнага раёна Мінска быў пададзены сустрэчны пазоў з боку былой жонкі бізнэсоўца Ілоны Герашчанка. Ён таксама аб абароне гонару, годнасці і дзелавой рэпутацыі. Як патлумачыла яе адвакат Ганна Дакуцька, пазоў пададзены ў сувязі з інфармацыяй, якая была распаўсюджаная ў прысутнасці дзіцяці, — дачкі Ілоны і Андрэя Герашчанкі.

У рамках заявы Ілона Герашчанка патрабуе кампенсацыі маральнай шкоды. Суму павінен вызначыць суд. У выпадку станоўчага рашэння па справе, як заўважыла адвакат, грошы накіруюць на дабрачыннасць.

Нагадаем, на пачатку снежня ў сацсетках разышлося неадназначнае відэа з удзелам бізнэсмэна Андрэя Герашчанкі, яго былой жонкі Ілоны Герашчанка і цяперашняй — Люцыі Лушчык. Як стала вядома, былыя муж і жонка не могуць падзяліць 8-гадовую дачку. У дадзены момант па рашэнні суда дзяўчынка жыве з бацькам.

Сёння суд меў разглядаць пазоў тэлевядучай Люцыі Лушчык. Яе прэтэнзіі выклікаў артыкул у інтэрнэце пад назвай «Тэлевядучая Люся Лушчык апынулася ў цэнтры непрыгожага сямейнага скандалу». Тэлевядучая лічыць, што апублікаваная інфармацыя закранае яе добрае імя, дзелавыя і прафесійныя якасці.

Лушчык сцвярджае, што не ўдзельнічае ў грамадзянска-прававай спрэчцы з нагоды ўдзелу бацькоў у выхаванні дачкі і ніколі не прымала дзеянняў, накіраваных на абмежаванне дзіцяці ў зносінах са сваёй маці.

Каментары11

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля23

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой54

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў2

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля23

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць