III Міжнародны Калядны фестываль батлеечных і лялечных тэатраў «Нябёсы» пройдзе 12—15 студзеня ў Мінску, паведамілі ў БПЦ.
У нядзельнай школе Свята-Елісавецінскага манастыра збяруцца найлепшыя лялечныя і батлеечные тэатры з шасці краін: Беларусі, Расіі, Украіны, Польшчы, Сербіі і Літвы. На працягу чатырох дзён дзеці і бацькі змогуць убачыць 21 прадстаўленне.
Спектаклі будзе ацэньваць прафесійнае журы — акцёры, тэатральныя крытыкі, навуковыя дзеячы і мастацтвазнаўцы. Пераможцаў вызначаць у намінацыях «За найлепшае мастацкае выкананне», «За найлепшае афармленне батлеечной скрыні», «За найлепшае раскрыццё духоўна-маральнага зместу спектакля», «За найлепшае арыгінальнае рашэнне».
Разнастайная праграма чакае гасцей фестывалю і ў перапынках паміж конкурснымі паказамі: музычныя выступы, сустрэчы з казачнымі персанажамі, выстава батлеечных скрынь, віктарыны, казачная фотазона і калядная крама. Запланаваныя таксама майстар-класы па пескаграфіі, саломапляценні, вырабе калядных анёлаў з фетру.
Фестываль «Нябёсы» праходзіць у час Святак ужо трэці год запар. Арганізатары збіраюць на адной пляцоўцы неабыякавых і творчых людзей, якія цікавяцца батлеечным мастацтвам і светам лялек. Акрамя таго, форум нясе дабрачынную місію. Задоўга да пачатку фестывалю стартавала акцыя «Святло душы — дабрачыннасць». Тэатральныя калектывы са спектаклямі выступаюць у медыцынскіх установах, інтэрнатах і адукацыйных цэнтрах. Іх спектаклі не толькі адцягваюць дзяцей ад нягод і цяжкасцяў, але і вучаць быць добрымі, сардэчнымі, шанаваць сяброўства і сям'ю.
Мастацкі кіраўнік і вядучы фестывалю — акцёр НАДТ ім. М. Горкага Аляксандр Ждановіч. Садзейнічанне ў правядзенні фестывалю аказваюць Міністэрства культуры і Мінскі гарадскі выканаўчы камітэт. Заснавальнікамі фестывалю з'яўляюцца Мінская епархія, Свята-Елісавецінскі манастыр, сястрыцтва ў гонар святой прапачэснапакутніцы вялікай княгіні Елісаветы.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам8
Каментары