Хто тая Аліна, з якой Лукашэнка танцаваў гэтым разам на навагоднім балі
На навагоднім балі ў Палацы Незалежнасці Аляксандр Лукашэнка вальсаваў з дзяўчынай, якая раней побач з ім не з’яўлялася.
Паводле нашай інфармацыі, гэта Аліна Лапо з Магілёва. Ёй 27 гадоў. З дзяцінства Аліна займалася творчасцю, але ў старэйшых класах зрабіла стаўку на эканоміку. У 2016 годзе пераехала ў Мінск і паступіла ў БДУ на эканамічны факультэт, у 2020‑м атрымала дыплом па спецыяльнасці «банкаўская справа».
Пасля гэтага Лапо пайшла ў магістратуру на сумесную спецыяльнасць факультэта журналістыкі і эканамічнага факультэта БДУ — «кіраванне медыяпраектамі».
На тэлебачанне дзяўчына трапіла праз практыку ў Белтэлерадыёкампаніі, пасля чаго працягнула працу ўжо як штатная журналістка і вядучая, у тым ліку ў праектах кшталту «На кантролі Прэзідэнта», «Навіны эканомікі», «Падзеі», «Кантэкст» і як карэспандэнтка ў тэме эканомікі.
Мяркуючы па сацсетках, дзяўчына шмат падарожнічае — у гэтым годзе некалькі разоў была на моры (невядома, па працы ці ў адпачынку). Любіць брэндавыя рэчы, якія замаўляе ў ЕС праз тэматычныя суполкі ў тэлеграме. Раней побач з Лукашэнкам Аліна Лапо не свяцілася.
«Наша Нiва» — бастыён беларушчыны
ПАДТРЫМАЦЬЦяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары