Цапкала адказаў Коўлу. І зрабіў выгляд, што яго не злавілі на хлусні
Неўзабаве пасля таго, як спецпрадстаўнік прэзідэнта ЗША Джон Коўл аспрэчыў у сацсетцы Х факт якога б то ні было ўдзелу ў працэсе нядаўняга вызвалення беларускіх палітвязняў цяперашняга дарадцы Албанскай інвестыцыйнай карпарацыі Валерыя Цапкалы, сам гэты дзеяч адгукнуўся ўласным пастом.
Прызнаваць, што перабольшыў уласную ролю, Цапкала, праўда, не стаў, а замест гэтага зрабіў выгляд, што Коўл нібыта толькі пацвердзіў раней сказанае ім:
«Сапраўды. Гэта менавіта тое, на што я рабіў акцэнт у інтэрв’ю».
У дэталі, праўда, удавацца не стаў, а замест таго адразу перайшоў да кампліментаў Дональду Трампу і крытыкі Святланы Ціханоўскай:
«Прэзідэнт Трамп быў адзіным кіраўніком дзяржавы, які адрэагаваў на звароты лаўрэатаў Нобелеўскай прэміі і спрыяў вызваленню палітычных зняволеных.
Што сапраўды мяне абурыла, дык гэта тое, што так званы Офіс Ціханоўскай, праз усе кантраляваныя ім СМІ, прадставіў гэта дасягненне як вынік сваёй пяцігадовай працы, а Злучаныя Штаты прадставіў толькі ў дапаможнай ролі».
Цытат і спасылак, што гэта сапраўды было так, Валерый Цапкала не прывёў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
— Участвую! (мысленно: «Зачем я соврал? Я ж не участвую…)))