III Mižnarodny Kaladny fiestyval batleječnych i lalečnych teatraŭ «Niabiosy» projdzie 12—15 studzienia ŭ Minsku, paviedamili ŭ BPC.
U niadzielnaj škole Śviata-Jelisaviecinskaha manastyra źbiarucca najlepšyja lalečnyja i batleječnyje teatry z šaści krain: Biełarusi, Rasii, Ukrainy, Polščy, Sierbii i Litvy. Na praciahu čatyroch dzion dzieci i baćki zmohuć ubačyć 21 pradstaŭleńnie.
Śpiektakli budzie aceńvać prafiesijnaje žury — akciory, teatralnyja krytyki, navukovyja dziejačy i mastactvaznaŭcy. Pieramožcaŭ vyznačać u naminacyjach «Za najlepšaje mastackaje vykanańnie», «Za najlepšaje afarmleńnie batleječnoj skryni», «Za najlepšaje raskryćcio duchoŭna-maralnaha źmiestu śpiektakla», «Za najlepšaje aryhinalnaje rašeńnie».
Raznastajnaja prahrama čakaje haściej fiestyvalu i ŭ pierapynkach pamiž konkursnymi pakazami: muzyčnyja vystupy, sustrečy z kazačnymi piersanažami, vystava batleječnych skryń, viktaryny, kazačnaja fotazona i kaladnaja krama. Zapłanavanyja taksama majstar-kłasy pa pieskahrafii, sałomaplacieńni, vyrabie kaladnych aniołaŭ ź fietru.
Fiestyval «Niabiosy» prachodzić u čas Śviatak užo treci hod zapar. Arhanizatary źbirajuć na adnoj placoŭcy nieabyjakavych i tvorčych ludziej, jakija cikaviacca batleječnym mastactvam i śvietam lalek. Akramia taho, forum niasie dabračynnuju misiju. Zadoŭha da pačatku fiestyvalu startavała akcyja «Śviatło dušy — dabračynnaść». Teatralnyja kalektyvy sa śpiektaklami vystupajuć u miedycynskich ustanovach, internatach i adukacyjnych centrach. Ich śpiektakli nie tolki adciahvajuć dziaciej ad niahod i ciažkaściaŭ, ale i vučać być dobrymi, sardečnymi, šanavać siabroŭstva i siamju.
Mastacki kiraŭnik i viadučy fiestyvalu — akcior NADT im. M. Horkaha Alaksandr Ždanovič. Sadziejničańnie ŭ praviadzieńni fiestyvalu akazvajuć Ministerstva kultury i Minski haradski vykanaŭčy kamitet. Zasnavalnikami fiestyvalu źjaŭlajucca Minskaja jeparchija, Śviata-Jelisaviecinski manastyr, siastryctva ŭ honar śviatoj prapačesnapakutnicy vialikaj kniahini Jelisaviety.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary