Іранскія ўлады арыштавалі былога прэзідэнта рэспублікі Махмуда Ахмадзінежада. Пра гэта газеце al-Quds al-Arabi, што базуецца ў Брытаніі, распавялі некалькі «надзейных крыніц» у Тэгеране.
Калі менавіта гэта адбылося суразмоўцы выдання не ўдакладняюць, адзначаючы аднак, што палітык быў затрыманы ў Шыразе. Ордар на арышт Ахмадзінежада, па іх словах, быў выдадзены «з ухвалення найвышэйшага кіраўніка краіны Алі Хаменеі» пасля выступу былога прэзідэнта Ірана перад прысутнымі ў горадзе Бушыр.
Ахмадзінежад 4 студзеня, як нагадвае al-Quds al-Arabi, заявіў, што, на яго думку, «некаторыя цяперашнія [іранскія] чыноўнікі жывуць удалечыні ад праблем [звычайных] людзей і нічога не ведаюць аб рэальным становішчы спраў грамадства». «Іран сёння пакутуе ад безгаспадарчасці, а не з-за адсутнасці эканамічных рэсурсаў», — заўважаў таксама палітык, падкрэсліваючы, што ён упэўнены, — «члены ўрада [цяперашняга прэзідэнта рэспублікі] Хасана Раўхані лічаць, што ім належыць абсалютная ўлада, а [звычайныя] людзі — усяго толькі неасвечанае грамадства, якое нічога не разумее». «Людзі злуюцца на ўрад з-за яго манаполіі на грамадскія даброты», — тлумачыў Ахмадзінежад.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары