Улады Егіпта вырашылі спыніць пошукі схаваных памяшканняў у грабніцы фараона Тутанхамона. Даследчыкі правялі сканаванне сцен грабніцы, якое паказала, што ў сценах няма пустэч, паведамляе BBC.
Пошукі сакрэтнага памяшкання пачаліся пасля таго, як брытанскі археолаг Нікалас Рыўз, які вывучаў здымкі грабніцы ў высокім разрозненні, выявіў пад тынкоўкай нешта, што ён палічыў размытымі абрысамі дзвярэй.
У сваім артыкуле «Пахаванне Неферціці» навуковец сцвярджаў, што параўнальна невялікая пахавальня першапачаткова прызначалася менавіта для Неферціці — жонкі фараона Эхнатона, бацькі Тутанхамона, і што яе парэшткі могуць знаходзіцца ў глыбіні грабніцы да гэтага часу. Паводле тэорыі Рыўза, калі Тутанхамон раптоўна памёр у маладым узросце, яго прыйшлося паспешна хаваць у знешняй камеры грабніцы Неферціці ў даліне Каралёў на поўдні Егіпта.
«Напэўна, некаторых расчаруе тое, што за сцяной грабніцы Тутанхамона нічога не аказалася. Але з іншага боку, у гэтым і ёсць сапраўдная навука», — адзначыў кіраўнік італьянскай даследчай групы доктар Франчэска Парчэлі.
У выніку прадстаўнікі міністэрства культурнай спадчыны Егіпта пагадзіліся з канчатковай высновай італьянскіх навукоўцаў.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары