Ля Купалаўскага — «Ноч паэзіі» з удзелам Арлова і Хадановіча, у парках — купальскія гулянні
Купальскія гулянні 6 ліпеня ў сталіцы разгорнуцца ў парку імя 900-годдзя Мінска і Лошыцы, паведамляе БелТА.
Гасцей чакаюць купальскія цуды, выступленні артыстаў і смачныя пачастункі, будуць працаваць інтэрактыўныя пляцоўкі. У праграме значацца карагоды, танцы, народныя абрады. У ліку запрошаных гасцей — фальклорныя калектывы «Шляхта», «Багач», «Кабеты», «Велiс», «Святкi», «Шчодрыца». Мерапрыемствы пройдуць з 17.00 да 22.00.
А на тэрасе кавярні «Аўстэрыя Уршуля» ля Купаўскага тэатра ўвечары ладзіцца «Ноч паэзіі».
«Згодна з народным павер’ем, дрэвы ў ноч з 6 на 7 набываюць вялікую чароўную моц, травы ажываюць і напаўняюцца лекавай, магічнай сілай, а людзі ў гэту ноч ачышчаюцца ад праблем і нягод. Янка Купала, які нарадзіўся 7 ліпеня, недарэмна абраў сабе ў псеўданім назву гэтага свята: паэт хацеў здабыць шчасця і для сябе, і для свайго роду», адзначаецца на сайце Купалаўскага тэатра.
У імпрэзе возьмуць удзел Уладзімір Арлоў, Кася Камоцкая, Наста Кудасава, Андрэй Хадановіч, якія прачытаюць свае ўлюбёныя вершы.
Пачатак а 19-й.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары