Міністр Раўкоў: Выезд за мяжу забароняць і тым, хто не паведаміў пра новы адрас і каму не ўручылі позву
Дэпутаты ў парламенце абмеркавалі законапраект «Аб змяненні законаў эфектыўнага функцыянавання ваеннай арганізацыі дзяржавы», які ў народзе назвалі «законам аб адтэрміноўцы» і прынялі яго ў першым чытанні, піша Tut.by.
Законапраект у парламенце прадстаўляў міністр абароны Андрэй Раўкоў. Ён паскардзіўся на зніжэнне колькасці прызыўных рэсурсаў у сувязі з дэмаграфічнай сітуацыяй у краіне, пагаршэнне здароўя юнакоў, а таксама вялікую колькасць адтэрміновак, якія дзейнічаюць.
— Ва ўмовах дастатковасці прызыўных рэсурсаў Міністэрства абароны заўсёды ішло насустрач прапановам аб прадастаўленні адтэрміновак тым ці іншым катэгорыям грамадзян. Цяпер жа настаў час падтрымаць прапанову сілавых структур, бо гэта наўпрост звязана з бяспекай краіны.
Сёння 76 катэгорый грамадзян не прызываюцца на службу, гэта, па словах, Раўкова, больш чым у іншых краінах.
Андрэй Раўкоў распавёў, што «ў сухой рэшце» хаваецца ад прызыву да 27 гадоў прыблізна 4 тысячы чалавек на кожны прызыў.
- Як яны могуць працаваць эфектыўна ў інтарэсах дзяржавы, калі наўмысна ў інтарэсах гэтай дзяржавы ня выканана воінскі абавязак? - задаў пытанне Раўкоў.
Важнае тлумачэнне ад міністра: часова абмяжоўваць права на выезд з краіны будуць не толькі тым выпускнікам, якія не з'яўляюцца па позве ў ваенкамат, але і парушаюць абавязкі па воінскім ўліку, не паведамляючы ў ваенкамат звесткі аб змене месца жыхарства ці свайго знаходжання ў сувязі з чым становіцца немагчымым іх апавяшчэння ў тэрмін у ходзе прызыву.
Па сутнасці, міністр абвергнуў словы дэпутата Ігара Мартынава, які да пачатку пасяджэння ў парламенце сцвярджаў, што забараніць выезд могуць толькі пры ўручэнні павесткі асабіста на рукі.
За законапраект аб адтэрміноўцы прагаласавала 87 дэпутатаў, супраць 6, не галасавалі — 7. Дакумент прыняты ў першым чытанні, плануецца, што ў пятніцу, яго прымуць у другім чытанні.
Цяпер чытаюць
Колькасць судоў па палітычных крыміналках зменшылася ў разы24
Каментары