Эпідэмія ў Бельгіі набыла маштаб катастрофы: больш за 3000 ахвяр у краіне з насельніцтвам як Беларусь
Малая краіна, у якой размешчаныя органы кіравання Еўрасаюза, мае адну з найгоршых у свеце сітуацый з каранавірусам.
10 красавіка колькасць памерлых ад COVID-19 у Бельгіі перавысіла 3019, паведаміла санітарная служба каралеўства. Асабліва шмат ахвяр — у дамах састарэлых.
Пацыенты з каранавірусам займаюць на сёння 5610 ложкаў у бельгійскіх шпіталях, у тым ліку 1278 месцаў у рэанімацыі. 993 пацыенты ў краіне ляжаць на штучнай вентыляцыі лёгкіх.
Колькасць шпіталізаваных за апошнія 24 гадзіны перавысіла колькасць выпісаных на 20 чалавек. Але ўчора быў першы дзень, калі лічба пацыентаў у рэанімацыі знізілася на 7 чалавек, што дае шанцы на тое, што пералом будзе блізка.
Бельгія адносна позна ўвяла каранцінныя абмежаванні. Сітуацыя ў гэтай краіне нашмат горшая, чым у сувымерных з ёй Аўстрыі, Швейцарыі, Чэхіі ці Партугаліі, якія таксама суседнічаюць з вялікімі ачагамі пандэміі ў Еўропе, якія ўтварыліся ў Італіі, Іспаніі і Францыі.
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею1
Каментары