Грамадства77

У Докшыцах ад каранавіруса памерлі дзве работніцы хлебазавода

«Нашай Ніве» стала вядома яшчэ пра тры смерці ў Докшыцах. У двух выпадках сваякі кажуць пра каранавірус. Усяго нам вядома пра мінімум 12 смерцяў ад «пнеўманій» у гэтым раёне.

Чытайце. «І хто сядзеў каля яе, зляглі з пнеўманіямі». Докшыцы спрабуюць зразумець, як занёсся вірус

17 красавіка ў Докшыцах памерла 51-гадовая Ларыса Мельнікава. Сын жанчыны паведаміў, што ў яе быў каранавірус.

Ларыса жыла адна. Прастудзілася, забралі ў бальніцу. Праз 11 дзён памерла.

Па словах сына, прычынай смерці запісаныя каранавірус і сардэчная недастатковасць.

Ларыса Мельнікава, фота з «Аднакласнікаў»

Мельнікава працавала на докшыцкім хлебазаводзе. А на наступны дзень, 18 красавіка, памерла яе калега, 59-гадовая Крысціна Хацяновіч.

Сваякі пацвердзілі: у жанчыны быў каранавірус. Але падрабязней гаварыць ніхто з іх не захацеў.

Крысціна Хацяновіч, фота з «Аднакласнікаў»

«Наша Ніва» звязалася з Аляксеем Байковым, дырэктарам хлебазавода. Ён расказаў, што аналізы яшчэ дзвюх работніц паказалі Covid-19. Але, кажа дырэктар, адну жанчыну ўжо выпісалі з бальніцы, другую хутка выпішуць.

Што тычыцца работнкаў, якія выявіліся кантактамі першага ўзроўню, то ўсе былі адпраўленыя на 14-дзённы каранцін.

«Праца ідзе ў адпаведнасці з санітарнымі нормамі, нават больш за тое. Тры разы на суткі апрацоўваем усе памяшканні, у канцы кожнай змены ўсё, нават дзверы, вокны і бытоўкі, дэзынфікуецца», — запэўнівае дырэктар. 

У пятніцу, 17 красавіка, памёр таксама 73-гадовы пенсіянер з Докшыц Міхаіл Трашчанка. У пасведчанні аб смерці мужчыны стаіць «вострая рэспіраторная недастатковасць» і «пнеўманія, узбуджальнік якой не вызначаны». 

«Пра каранавірус нічога не ведаю. Мне нічога не казалі. Мне праверылі лёгкія на флюараграфіі, сказалі, што ўсё нармальна і каб я менш хадзіла на вуліцу. Муж вельмі хворы быў, меў паліцытэмію, гэта сур’ёзнае захворванне крыві. 10 гадоў таму перанёс абшырны інфаркт, два гады таму ляжаў у рэанімацыі з ацёкам лёгкіх, — кажа жонка Міхаіла Трашчанкі.

— А цяпер ізноў ляжаў у бальніцы. Паклалі на два тыдні, пасля выпісалі, а ён паехаў на рыбалку. Пасля рыбалкі стала кепска, ізноў забралі ў бальніцу. Правёў там 10 дзён, калі сталі разгружаць бальніцы, яго выпісалі. Але дома яму зноў стала кепска, я выклікала хуткую. У трэці раз у бальніцы муж праляжаў 11 дзён і памёр».

Але, кажа жонка, хавалі Трашчанку ў закрытай труне.

«Чаму? Не ведаю, нам ніхто нічога не казаў. Ці можна было адкрываць, таксама не сказалі», — расказала нам ягоная жонка.

Чытайце. Докшыцкая пляма. За некалькі дзён у маленькім гарадку ад пнеўманіі памерлі, як мінімум, трое

Усяго «Нашай Ніве» вядома пра як мінімум 12 смерцяў ад «пнеўманій» у гэтым раёне.

Каментары7

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў1

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць