Фонд Цапкалы і Пракоп'ева абяцае дапамогу членам выбаркамаў, якія раскажуць пра фальсіфікацыі
Экс-кіраўнік ПВТ Валерый Цапкала і рэстаратар Вадзім Пракоп'еў стварылі фонд дапамогі пацярпелым ад палітычных рэпрэсій. Пра гэта Цапкала распавёў у інтэрв'ю АГП-ТБ.
— Ва Украіне мы стварылі фонд дапамогі пацярпелым ад палітычных рэпрэсій. Яго мэта — падтрымаць сябраў выбарчых камісій, якія адмовяцца фальсіфікаваць выбары і публічна раскажуць беларускай грамадскасці аб рэальных выніках выбараў на сваіх участках. Гэта могуць быць настаўнікі, завучы, чыноўнікі невысокага ўзроўню, якія могуць пацярпець з-за сваёй пазіцыі. Ім можа пагражаць непрацягненне кантракта. І задача фонду — аказаць такім людзям юрыдычную дапамогу, фінансавую падтрымку, а таксама дапамагчы ў працаўладкаванні ў краінах-суседзях, — распавёў Валерый Цапкала.
Паводле яго слоў, у фонд ужо пачалі паступаць сродкі ад бізнэсменаў беларускага паходжання, якія знаходзяцца ў Расіі. Таксама чакаюцца паступленні грошай з Польшчы.
Каментары