«Каханы мой чалавек». Падрабязнасці трагедыі ў Брэсце, дзе забілі 35‑гадовую жанчыну і яе маці
Раніцай у сераду ў Брэсце адбылася трагедыя: у кватэры шматпавярхоўкі знайшлі целы 35‑гадовай жанчыны і яе маці. Па падазрэнні ў забойстве затрыманы муж першай ахвяры. Некалькі крыніц расказалі Onliner падрабязнасці пра тое, што адбывалася ў сям'і перад трагедыяй.
К. і яе муж родам з Пружан. Там жыве дачка мужчыны ад першага шлюбу. Па словах крыніцы, знаёмай з сітуацыяй, пасля злачынства мужчына патэлефанаваў менавіта ёй.
Некалькі гадоў таму пара пераехала ў Брэст. Муж працаваў дальнабойшчыкам, а К. вывучылася на касметолага і вяла б'юці-блог, дзе часам расказвала і пра асабістае жыццё. З яе публікацый вядома, што ў 2013 годзе пара чакала дзіця.
«Калі майго мужа няма побач, я заўсёды сплю ў яго майках — так ён нібы побач. Маё сямейнае жыццё не заўсёды было ідэальным: мы сварыліся, крычалі, не размаўлялі, разыходзіліся і зноў сыходзіліся… Але ў адзін не самы просты перыяд я спытала сябе: «Ці хацела б я жыць з такой сабой?» Не. З таго часу я працую над сабой і нашымі адносінамі. І як толькі я стала змяняцца, муж таксама пачаў змяняцца», — пісала К. у 2014 годзе.
У 2020-м, віншуючы мужа з днём нараджэння, жанчына напісала, што шчаслівая з ім усе гэтыя гады. А год пазней пачала віншаванне словамі: «Дарагі, любімы мой чалавек. Я хачу пажадаць табе заставацца тым, хто ты ёсць: сумленным, добрым, чулым і клапатлівым».
Летам 2022 года пара абуладкавала двухпакаёвую кватэру ў прэстыжным жылым комплексе. К. публікавала відэа аб рамонце: разам з мужам яны ездзілі па крамах, выбіралі мэблю, свяцільні і посуд. Збоку — звычайная пара, нармальнае жыццё.
Аднак апошнім часам жанчына здавалася прыгнечанай. Яна сама пісала, што на час нават прапала з Instagram.
— Наколькі я ведаю, напярэдадні трагедыі на яе мужа выклікалі міліцыю, у той вечар яго не бачылі, — расказала крыніца, якая жыве па суседстве. — Каля 11:10 у сераду (у дзень забойства) ля дома ўжо былі міліцыя, АМАП з аўтаматамі і хуткая дапамога. У кватэры ўсё было ў крыві. Яны жылі там утрох, яшчэ ў іх быў сабака, мужчына часам з ім гуляў. Што менавіта адбылося, не ведаю. Хадзілі чуткі (сярод суседзяў), што К. хацела з ім развесціся.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары