Лукашэнка пра званок Пампеа: Тое, што пішуць у тэлеграм-каналах, — фігня
Пра гэта ён заявіў сёння, піша БелТА. У Брэст памочнікам прызначаны Валерый Вакульчык, а ў Гродна — Юрый Караеў.
«Давайце шчыра: у Гродне вывешвалі польскія сцягі. Ну, калі іх сёння знялі, гэта ж не значыць, што там у кагосьці ў галаве чагосьці не блукае. Вы бачыце паводзіны некаторых клірыкаў нашых цэркваў — і каталіцкай, і праваслаўнай.
Таму гэта таксама зона вашай адказнасці, — сказаў кіраўнік дзяржавы. — І наогул вы павінны разумець, што за межамі нашай краіны натаўцы не ўціхамірыліся, што б яны ні казалі».
Аляксандр Лукашэнка ў сувязі з гэтым згадаў пра сваю нядаўнюю тэлефонную размову з дзяржсакратаром ЗША Майклам Пампеа. «У нас (Валерый Паўлавіч ведае) з ім вельмі добрыя адносіны. Усё, што пішуць у Telegram-каналах, — гэта фігня.
Нічога ён ад мяне не патрабаваў, была вельмі цёплая, добрая такая размова. Але я яму прама сказаў, па-сяброўску: «Майк, нягледзячы на гэта, я ж разумею, што адбываецца». І я яго папярэдзіў: калі толькі там тузануцца з боку Польшчы, Літвы і, можа, Украіны (гэта нават не абмяркоўваецца, ім не да гэтага), а вось палякі і літоўцы, у асноўным палякі
(што там літоўцы — арміі няма), — ну, мы будзем адказваць», — заявіў Лукашэнка.
«Ён мяне запэўніў, што гэтага не можа ніколі быць і не будзе. Я кажу: добра, я пачуў. Мы гэта чуем, але мы павінны рэагаваць. Я пакуль пра Мінску не кажу, я кажу пра гэтыя заходнія вобласці», — распавёў Аляксандр Лукашэнка.
Менавіта наяўнасцю важных участкаў працы на адпаведных напрамках Лукашэнка патлумачыў прызначэнне Валерыя Вакульчыка і Юрыя Караева на пасады памочнікаў па Брэсцкай і Гродзенскай абласцях. «Таму ў мяне іншых больш надзейных няма. Я разглядаў іншыя ўчасткі працы. Але ўсё-ткі думаю, што гэта найважнейшыя. Там ёсць над чым працаваць, — сказаў Лукашэнка. — Асабліва, Валерый Паўлавіч, заходні кірунак. Будучы супрацоўнікам і старшынёй КДБ, заўсёды гэтаму ўвагу надавалі. І тым не менш бачыце, як атрымалася. Таму ўсе гэтыя веды трэба Юрыю Хаджымуратавічу перадаць».
«Таму нельга супакойвацца і па нагоды вось гэтых мэтаў, што ім, палякам, патрэбна ўся Беларусь. Вы ведаеце, нават калі ўсё НАТА ўвойдзе ў Беларусь, у іх гэта не атрымаецца. Нават калі мы будзем адны, у іх гэта не атрымаецца. Мы за сваю краіну загінем усе. Не дай бог, вядома. Яны павінны гэта ведаць», — рэзюмаваў Лукашэнка.
Стала вядома, пра што размаўлялі Пампеа і Лукашэнка
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары