Кіраўнік Федэрацыі хакея Беларусі Дзмітрый Баскаў унесены ў спіс неўязных у Латвію. Такое рашэнне прыняў міністр замежных спраў краіны Эдгарс Рынкевічс.
Таксама ў спіс неўязных уключаны кікбаксёр Дзмітрый Шакута.
«На падставе пункта 2 артыкула 61 Закона аб іміграцыі я прыняў рашэнне аб уключэнні двух грамадзян Беларусі ў спіс асоб, непажаданых для Латвійскай Рэспублікі, усталяваўшы забарону на ўезд у Латвію на нявызначаны тэрмін. Цытата класіка: «Такі хакей нам не патрэбны!»
Разам з Літвой і Эстоніяй мы хутка пашырым «чорныя спісы», уключыўшы ў іх тых, хто працягвае жорстка душыць мірныя пратэсты ў Беларусі», — напісаў кіраўнік латвійскага МЗС у твітары.
У 2021 годзе Беларусь і Латвія павінны прыняць чэмпіянат свету па хакеі.
Нагадаем, людзей, падобных да Баскава і Шакуту, бачылі пры збіцці і затрыманні загінулага Рамана Бандарэнкі.
Чытайце таксама: Мужчына, які напаў на Рамана Бандарэнку, падобны да чэмпіёна па кікбоксінгу, інструктара часці 3214
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары