Шрайбман: Ад адных чую, што Мінск стаў пустым і ўсе чакаюць вяртання людзей. А іншая пазіцыя: усё нармальна, з’ехалі — на здароўе
«Я хацеў бы, каб мае жыццёвыя абставіны складваліся так, каб я мог вярнуцца ў Беларусь».
Аналітык Арцём Шрайбман у праграме «Гадзіннічак цікае» разважаў, што людзі ўнутры краіны па-рознаму глядзяць на магчымае вяртанне пасля перамен тых, хто з'ехаў пасля 2020.
«Калі казаць пра людзей унутры Беларусі, я бачу два відавочныя лагеры. Я чую вельмі шмат ад людзей, што Мінск стаў пустым і ўсе чакаюць прынамсі якога-небудзь вяртання людзей, якія з’ехалі — і медыкаў, і айцішнікаў, і людзей крэатыўных прафесій. Але таксама сустракаецца і іншая крайняя пазіцыя: усё нармальна, не заўважна, з’ехалі — на здароўе».
Пра сябе Шрайбман адказвае:
«Я, як і раней, хацеў бы, каб мае жыццёвыя абставіны складваліся так, каб я мог вярнуцца ў Беларусь. Я тут не магу казаць толькі пра развіццё падзей у Беларусі, тут ужо немагчыма думаць пра гэта пытанне ў адрыве ад уласнай сямейнай сітуацыі. Калі ў мяне на момант пераменаў у Беларусь дзіцёнак будзе, напрыклад, у шостым класе, гэта [вяртанне] цяжка сабе ўявіць. Але калі яна будзе ўжо дарослым чалавекам і будзе будаваць сваё жыццё сама, то тут можна будзе разважаць.
Мы дакладна — мы гэта абмяркоўвалі з жонкай — хацелі б прыехаць на пенсію ў Беларусь, на хутарочак».
Арцём падкрэсліў, што бліжэй да канца жыцця хацеў бы большую частку часу праводзіць у Беларусі. А пакуль працуе, калі здарацца перамены, ён бы жыў на дзве краіны.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»28
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2222
Каментары