Шмат рэчаў уплываюць на якасць нашага сну. Сярод іх наш рэжым дня, колькасць стрэсу, фізічнай нагрузкі і сонечнага святла, што мы атрымліваем, а таксама тое, што мы ямо. Вось як асаблівасці рацыёну могуць пагоршыць сон.
Пачнём з таго, што ў вашым целе ёсць унутраны «гадзіннік» пад назвай цыркадны рытм, які настроены індывідуальна пад ваш арганізм. Прыёмы ежы — важныя арыенціры, якія дапамагаюць арганізму правільна сінхранізаваць гэты гадзіннік і разумець, калі ноч, а калі — дзень. Не існуе рэжыму прыёму ежы, які падыходзіў бы ўсім, таму варта выбраць час для гэтага самастойна і прытрымлівацца яго, тлумачыць ВВС.
Даследаванне паказала, што дарослыя, якія мала спяць, з большай верагоднасцю пакутуюць на недахоп кальцыю, магнію і вітаміну D. Таксама знойдзена сувязь паміж дрэнным сном і зніжаным спажываннем вітамінаў C, D, E і K.
Пакуль невядома, як канкрэтна гэта працуе, але ў любым выпадку можна дапусціць, што багаты на харчовыя элементы рацыён можа добра ўплываць на якасць сну.
Згодна з іншым даследаваннем, стан кішэчнай мікрафлоры таксама можа аказваць значны ўплыў на сон. Каб яго палепшыць, эксперты раяць спажываць раслінную ежу, у тым ліку арэхі і зерневыя, багатыя на клятчатку прадукты, прабіётыкі.
Што датычыцца напояў, трэба быць асцярожнымі з гарбатай, кавай і энергетыкамі. Усе гэтыя напоі ўтрымліваюць кафеін, які блакуе рэцэптары рэчыва адэназін — менавіта адэназін адказны за наша адчуванне стомленасці і санлівасці. Такім чынам кафеін перашкаджае працэсу засынання. Ён таксама можа знізіць працягласць фазы глыбокага сну, і раніцай чалавек не будзе адчуваць, што ён якасна адпачнуў.
Часам можна пачуць меркаванне, што ўжыванне алкаголю дапамагае заснуць. Але гэта не так — алкаголь парушае парадак як фазы глыбокага, так і фазы хуткага сну, а таксама можа павялічыць колькасць раптоўных абуджэнняў уначы. Але, магчыма, вельмі малая доза ніяк не паўплывае на сон.
Нарэшце, існуюць напоі, якія могуць дапамагчы заснуць. Для кагосьці гэта цёплае малако, для кагосьці — гарбата, напрыклад, з мятай або рамонкам.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары