Аўтар карыкатуры на каталіцкіх святароў у «Мінскай праўдзе» не разумее, чаму разгарэўся скандал
Антон Астроўскі, аўтар карыкатуры з ксяндзамі са свастыкай, якая выйшла 7 верасня ў «Мінскай праўдзе», жыве і працуе ў Віцебску, дазналіся naviny.by.
У фэйсбуку Астроўскі падзяліўся меркаваннем пра карыкатуру:
«Тая самая нібы рэзанансная вокладка газеты з маёй карыкатурай. У пэўных колах там ды сям крычалі ва ўсе галасы, што іх нібыта абразіў гэты малюнак. Прадстаўнікі касцёла нават афіцыйную заяву пра нібыта абразу іх царквы зрабілі, суправадзіўшы яе тэзісамі без якой-небудзь выразнай канкрэтыкі. Абураныя грамадзяне пісалі мне ў сацыяльныя сеткі. Аднак і яны пакуль толкам не сказалі, чым канкрэтна я іх абразіў. Я прыходжу да высновы, што ні абразы, ні тым больш распальвання варожасці ў адносінах да ўсёй канфесіі ў гэтым малюначку, як і на вокладцы ў цэлым, ні з майго боку, ні з боку рэдакцыі зусім няма. Так, уласна, я і не планаваў нікога абражаць наогул. І чаго раскрычаліся?»
Каментары