Лукашэнка распавёў, ці пойдзе на дыялог з Ціханоўскай, а Калеснікаву назваў заходнім агентам
Лукашэнка адказаў на пытанні журналіста BBC Стывена Розэнберга аб прапанове Пуціна пачаць размаўляць з беларускай апазіцыяй, а таксама пра тое, ці ёсць у Беларусі палітвязні.
Адказы Лукашэнкі на пытанні былі прадказальнымі. На дыялог ён не пойдзе.
— Слухайце, Уладзімір Пуцін мне нічога не раіў. Вось я з ім цяпер больш за гадзіну размаўляў, і ніякіх парадаў ні з якога боку я не пачуў. Я магу паралель правесці — вось як толькі Пуцін з Навальным сядуць за стол перамоваў, я імгненна са Святланай [Ціханоўскай] пачну весці перамовы.
— Вы б хацелі каб Пуцін з Навальным селі [за стол перамоваў]?
— Гэта яго праблемы. Я ў такія хацелкі не гуляю. Для мяне, калі вы хочаце мой пункт гледжання ведаць, Навальны — гэта прадажны чалавек. І Пуцін з ім ніколі не сядзе за стол перамоваў. Бо ён не апазіцыянер для Пуціна, ён здраднік інтарэсам Расіі».
На пытанне пра палітвязняў Лукашэнка сказаў, што ў Беларусі няма ніводнага палітвязня, бо ў краіне «няма палітычнага артыкула», а гэтыя людзі парушылі беларускае заканадаўства.
— У нас няма ніводнага палітвязня, ты што не чуеш? Ніводнага.
— А Марыя Калеснікава? Не палітвязень?
— Гэта ваш агент, - адказаў Лукашэнка.
— Чаму яна сядзіць?
— Бо яна парушыла закон.
— Ну смелы чалавек, пагадзіцеся. Так?! Узначаліла пратэсты, не пакінула краіну…
— Хто?! Марыя Калеснікава бегла з краіны, яе затрымалі на мяжы.
— Пашпарт яна разарвала.
— Яна з'ела пашпарт. Гэта яе справа.
— Яна не хацела пакінуць краіну.
— Слухайце, я не ведаю, што яна хацела і ведаць не хачу. Яна бегла разам са сваімі паплечнікамі.
— А тое, што яна сядзіць — гэта не помста з вашага боку?
— Абсалютна не. Запомніце, я не той чалавек, які можа помсціць. Запомніце гэта і засвойце, калі вы хочаце, як чалавек, мяне зразумець. Я супраць жанчын — я часта кажу — не ваюю.
На пытанне журналіста пра пратэсты, якія прахадзілі на фоне афіцыйнай лічбы ЦВК у 80% за перамогу Лукашэнкі, той сказаў, што сёння гэта лічба мо ўжо і 90%.
Пуцін: Расія заклікае да дыялогу паміж уладамі Беларусі і апазіцыяй
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею5
Каментары