Сёння роўна паўгода, як былі затрыманыя рэдактары «Нашай Нівы» Ягор Марціновіч і Андрэй Скурко
Іх арыштавалі 8 ліпеня 2021 года.
Спачатку «нашаніўцаў» затрымалі па падазрэнні нібыта ў арганізацыі масавых беспарадкаў (арт. 342 КК).
Праз 10 дзён абвінавачанне павярнулі зусім у іншы бок — артыкул «Нанясенне маёмаснай шкоды без прыкметаў раскрадання групай асобаў» (ч. 2 арт. 216 КК). Следства мае прэтэнзіі да аплаты за камунальныя паслугі.
Следчыя палічылі, што прадпрыемству «Мінэнэрга» былі нанесены страты ў памеры 3500 рублёў (само прадпрыемства з прэтэнзіямі не звярталася).
У сапраўднасці справа мае выразна палітычны характар. Яе мэтай было задушыць незалежнае выданне. Але гэта не ўдалося.
Падтрымайце нашаніўцаў лістом, паштоўкай ці пасылкай. Гэта можна зрабіць па адрасе:
СІЗА-1, Мінск, вул. Валадарскага 2, 220030.
Марціновіч Ягор Аляксандравіч
Скурко Андрэй Генадзевіч
Каментары