У «Медніках» літоўскія пажарнікі па просьбе мытнікаў распілавалі аўтамабіль кантрабандыста
У ходзе разборкі аўтамабіля былі адкрыты тайнікі з кантрабандай.
На памежным кантрольна-прапускным пункце «Меднікі» па просьбе мытнікаў пажарныя распілавалі аўтамабіль кантрабандыста, піша LRT.
Мытны дэпартамент у пятніцу паведаміў, што на пачатку сакавіка аўтамабіль Toyota Corolla Verso, на якім грамадзянін Беларусі ўехаў у Літву, выклікаў падазрэнні ў супрацоўнікаў, таму машыну праверылі з дапамогай рэнтгенаўскай сістэмы. У выніку ў пярэдняй частцы аўтамабіля былі выяўлены старанна абсталяваныя тайнікі з цыгарэтамі.
Пры дэталёвым ручным аглядзе стала відавочна, што цыгарэты схаваныя вельмі старанна: тайнікі знаходзіліся так глыбока, што дабрацца да іх звычайнымі сродкамі не ўдалося.
Улічваючы складанасць сітуацыі, мытнікі звярнуліся да супрацоўнікаў ведамства пажарнай аховы і выратавання, якія з дапамогай спецыяльнага абсталявання пачалі дэмантаж аўтамабіля.
У ходзе разборкі аўтамабіля былі адкрыты тайнікі з кантрабандай. Усяго выяўлена 850 пачкаў цыгарэт коштам 4,4 тысячы еўра. Таксама затрыманы сам аўтамабіль, кошт якога ацэньваецца ў 1,8 тысячы еўра. У дачыненні да кіроўцы складзены пратакол аб адміністрацыйным правапарушэнні.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны2
Каментары