Рэйтынг Лукашэнкі застыў на ўзроўні 25—30%. Сацыёлагі патлумачылі чаму
Пры гэтым антырэйтынг Аляксандра Лукашэнкі складае 46%, сведчаць вынікі сацыялагічнага даследавання Chatham House.
«Рэйтынг Лукашэнкі складае 25—30% і застаецца на тым жа ўзроўні ўжо паўтара года, — каментуе кіраўнік беларускага праекту Chatham House Рыгор Астапеня. — Гэта звязана з тым, што ён мабілізаваў усіх сваіх прыхільнікаў. Група, якая складае прыкладна 30% ад беларускага грамадства, застаецца вернай таму, што яна робіць».
Сацыёлаг прызнае, што меркаванне, нібыта дзеянні ўлады выклічуць расчараванне сярод прыхільнікаў Лукашэнкі, магло быць памылковым.
«Рэпрэсіі і гвалт не паспрыялі таму, каб прыхільнікаў Лукашэнкі стала менш», — канстатуе Рыгор Астапеня.
Калі прыхільнікі ўлады кансалідаваныя вакол фігуры Лукашэнкі, то так званы дэмакратычны электарат падзелены сярод некалькіх палітыкаў.
За Віктара Бабарыку гатовыя галасаваць 25—30% выбарцаў, у Паўла Латушкі і Святланы Ціханоўскай на сёння — каля 10—13%.
«Агульны электарат у дэмакратычных палітыкаў большы, чым у Лукашэнкі», — дапаўняе сацыёлаг.
Кіраўнік беларускага праекта Chatham House звяртае ўвагу, што 22% апытаных увогуле не бачаць фігур, якія маглі б прэтэндаваць на тое, каб стаць прэзідэнтам Беларусі: «Гэта так званыя нейтралы, нейтральная частка грамадства», — падкрэслівае Рыгор Астапеня.
Таксама ў беларусаў спыталі, за каго яны не прагаласуюць на прэзідэнцкіх выбарах ні ў якім разе.
Ні ў якім разе не прагаласавалі б за Лукашэнку 46% апытаных, за Ціханоўскую — 41%, за Бабарыку — 24%. Узначаліў жа антырэйтынг Юрый Васкрасенскі: яго не хочуць бачыць у якасці прэзідэнта 67%.
Сацыёлаг: Рэферэндум можа нават павялічыць сацыяльную напружанасць. У людзей ёсць адчуванне, што іх ізноў падмануць
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары