Аналена Бербак: Сярод мераў рэагавання на расійскую агрэсію разглядаюцца санкцыі ў дачыненні да «Паўночнага патока — 2»
Міністарка замежных спраў Германіі Аналена Бербак не выключае ў выпадку ваеннай агрэсіі РФ супраць Украіны ўвядзення санкцый супраць «Паўночнага патоку — 2». Пра гэта яна сказала, выступаючы сёння ў Бундэстагу, паведамляе DW.
Бербак зноў прыгразіла Расіі суровым адказам на далейшую эскалацыю канфлікту з Украінай. Па яе словах, у Захаду маецца шырокі спектр магчымых захадаў у адказ.
«Сярод мераў рэагавання на магчымае ўварванне Расіі ў Украіну разглядаюцца санкцыі ў дачыненні да дабудаванага, але не ўведзенага ў эксплуатацыю газаправода «Паўночны паток - 2»,
— адзначыла міністарка.
Адначасова Бербак выказала гатоўнасць працягваць дыялог з Крамлём і падкрэсліла: «хто размаўляе, той не страляе». Разам з тым яна нагадала аб жорсткай пазіцыі Захаду, які лічыць недапушчальнай новую ваенную агрэсію супраць Украіны.
«Асноўныя падставы еўрапейскага светапарадку не могуць служыць прадметам перамоваў», — сказала Бербак.
Яна таксама рашуча раскрытыкавала дзеянні Расіі ў дачыненні да Украіны.
«Цяжка расцэньваць не як пагрозу, калі да ўкраінскай мяжы без вытлумачальных прычын сцягваюцца сотні тысяч салдат на танках і артылерыйскіх устаноўках», — адзначыла нямецкая міністарка замежных спраў.
Чытайце таксама:
Міністр абароны Латвіі: Палітыка Германіі ў дачыненні да Расіі не ўпісваецца ў наш час
Кіраўнік МЗС Нямеччыны назвала пагрозай сто тысяч расійскіх вайскоўцаў каля Украіны
Канцлер Германіі Шольц: Расія павінна прызнаць, што сіла ў праўдзе
Нямецкі палітык: «Мяккая рэакцыя будзе ўспрынятая Пуціным як слабасць»
Напружанасць паміж Германіяй і ЗША і «геапалітычная зброя». За што крытыкуюць трубаправод «Паўночны паток — 2»?
Цяпер чытаюць
Даследчыкі знайшлі месца ў Беларусі, дзе базуецца «Арэшнік»4
Каментары