Доктар медыцынскіх навук тлумачыць, як стаматолагі могуць заўважыць кавід і ці адбіваецца інфекцыя на здароўі зубоў.
Кавід можа выклікаць абвастрэнне хранічных захворванняў, якія маюцца ў пацыента, кажа прафесар Беларускага дзяржаўнага медыцынскага ўніверсітэта Юлія Дзянісава.
«Яшчэ адна асаблівасць — першыя сімптомы каранавіруснай інфекцыі могуць праяўляцца ў роце. І стаматолагі могуць быць першымі спецыялістамі, хто выяўляе інфекцыю. Сімптомы — гэта змены ў слізістай, розныя ўтварэнні, болькі, налёт на языку, грыбковае паражэнне і многія іншыя», — распавяла доктар падчас прэс-канферэнцыі.
Яна нагадала, што падчас хваробы нельга забываць пра рэгулярную гігіену поласці рота — раз на 12 гадзін чысціць зубы і язык (для яго ёсць спецыяльныя сродкі — скрабкі, шчоткі).
Па словах Дзянісавай, калі чалавек хварэе на кавід ці перанёс яго, гэта не з’яўляецца супрацьпаказаннем да стаматалагічных маніпуляцый.
«Цяпер магчыма кансультавацца анлайн, многія паліклінікі маюць такую паслугу. Але гэта не моцна развіта — часцей хочуць людзі вочна атрымаць кансультацыю».
Каментары