«Імёны перапісвалі ўручную». Пасажыры расказаюць аб праблемах на чыгунцы
Беларусы сутыкаюцца з праблемамі пры пасадцы на цягнікі. Звесткі пасажыраў праваднікі перапісваюць уручную, некаторым выдаюць квіткі, запоўненыя ад рукі.
Жанчына, якая ехала сёння на цягніку Мінск-Гародня, расказала, як праходзіла пасадка на яго.
«Пры пасадцы людзей не маглі праверыць па пашпарце, таму што ў праваднікоў адсутнічалі электронныя спісы. Колькасць пасажыраў, іх імёны — недаступныя.
У мяне электронны квіток, мне пры пасадцы трэба толькі пашпарт прад'яўляць. У гэты раз я паказала, мяне запісалі. Спыталі, якое ў мяне месца (раней, да ўзлому, мне самой яго называлі). Прыйшлося глядзець электронны квіток і назваць. Потым ужо да мяне падыходзілі і пыталіся пра нумар квітка», — расказала адна з пасажырак.
Сам цягнік выехаў своечасова.
Пра такія ж праблемы расказваюць і пасажыры, якія ехалі цягніком на Гомель.
Паведамляюць таксама, што нельга аплаціць квіткі банкаўскай карткай.
На сайце чыгункі папярэджваюць, што пакупка і вяртанне электронных квіткоў праз інтэрнэт часова недаступныя «па тэхнічных прычынах». Гэта тычыцца цягнікоў з нумараванымі месцамі рэспубліканскіх і міжнародных маршрутаў. Аформіць квіткі на іх можна ў касах.
Як расказаваюць «Нашай Ніве» ў стачкаме, праблема ў тым, што праз узлом пашкоджаная аўтаматычная сістэма кіравання «Экспрэс», якая адказвае за квіткі.
Учора былі і іншыя паломкі.
«Не працавала дыспетчарская цэнтралізацыя «Нёман». Паўтары гадзіны былі сур'ёзныя праблемы з рухам — усе ездзілі па тэлефонных указаннях. Можна сказаць, чыгунка працавала на ручным кіраванні», — дадаюць стачкамаўцы.
Нагадаем, 27 лютага паведамлялася пра хакерскую атаку на Беларускую чыгунку.
«Акцыі здзейсненыя з салідарнасці з украінскім народам і з мэтай аказання яму дапамогі ў вайне супраць расійскага агрэсара.
У выніку фізічна пашкоджаныя прылады сігналізацыі, цэнтралізацыі і блакіроўкі, а таксама кантактная сетка. Частка абсталявання не падлягае аднаўленню. Паралізаваны рух на некалькіх участках дарогі», — заяўляла арганізацыя былых сілавікоў BYPOL.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары