NYT: Начальнік Генштаба РФ Герасімаў быў пад Ізюмам, але паспеў з'ехаць да абстрэлу
У ЗША пацвярджаюць, што начальнік Генеральнага штаба РФ Валерый Герасімаў прыязджаў у Харкаўскую вобласць, каб паспрабаваць змяніць ход расійскага наступу на ўсходзе Украіны. Пра гэта са спасылкай на двух неназваных амерыканскіх чыноўнікаў піша The New York Times.
Украіна даведалася пра візіт Герасімава і нанесла ўдар па адной з пазіцый, дзе ён знаходзіўся, але той ужо паспеў з'ехаць.
Дарадца кіраўніка Офіса прэзідэнта Аляксей Арастовіч сцвярджае, што ў выніку ўдараў па гэтым раёне загінулі не менш за 200 расійскіх вайскоўцаў, у тым ліку 30 старшых афіцэраў — ад маёра да палкоўніка.
«Амаль 200 забітых у выніку трох удараў па штабах, якія за пяць сутак адбыліся. Сярод іх сама меней 30 старшых афіцэраў, на адным пункце кіравання знішчаны камандуючы. Адзін з элітных расійскіх спецназаўцаў, які ахоўваў кагосьці вельмі высокапастаўленага, канкрэтна пацярпеў», — распавёў ён 1 мая ў эфіры YouTube-канала «Фейгін Live».
Адным з загінулых, верагодна, быў генерал-маёр Андрэй Сіманаў, піша NYT.
Амерыканскія крыніцы выдання не маюць інфармацыі пра абстрэл расійскіх штабоў, але пацвярджаюць прыезд Герасімава. Прысутнасць такога высокапастаўленага чыноўніка на перадавой — незвычайная падзея. «Наша працоўная здагадка ў тым, што ён быў там, бо яны прызнаюць, што не вырашылі ўсе свае праблемы», — сказаў адзін з суразмоўцаў выдання.
- 28 красавіка ў СМІ са спасылкай на свае крыніцы з'явілася інфармацыя пра тое, што ў захоплены Ізюм Харкаўскай вобласці прыехаў начальнік Генштаба РФ Валерый Герасімаў, каб асабіста камандаваць войскамі на Данбасе.
- 30 красавіка каля штаба, дзе нібыта знаходзілася стаўка Герасімава, адбыўся выбух з вялікай колькасцю параненых. На наступны дзень папаўзлі чуткі, што Герасімаў таксама атрымаў раненні, пасля чаго яго тэрмінова вывезлі ў Расію, але ў МУС Украіны інфармацыю аб раненні не пацвердзілі.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары