Лукашысты абрынуліся на кнігарню за тое, што яна прадае кнігі на беларускай мове
Сёння пачала працаваць кнігарня «Кнігаўка», адкрытая выдавецтвам «Янушкевіч». І на яе адразу пайшла атака.
На адкрыццё з'явіліся вядомыя прапагандысты Людміла Гладкая і Рыгор Азаронак. Там яны сталі чапляцца да зместу кніг, якія былі ў продажы.
Увагу Азаронка прыцягнула фатаграфія, на якой выяўленае ўступленне літоўскай арміі ў Вільню ў 1939 годзе. Не ў правілах прапагандыстаў разбірацца ў дэталях — гэта для іх «вельмі падобна на парад ветэранаў СС».
Вядома, што літоўцы прыйшлі тады ў Вільню, перад гэтым заключыўшы пагадненне зусім не з Гітлерам, а з любімым Азаронкам Сталіным. Паводле гэтай дамоўленасці кантроль над Вільняй літоўскім вайскоўцам без усялякіх баёў перадала Чырвоная Армія ў абмен на права размяшчэння ў Літве вайсковых базаў. Што неўзабаве, ужо ўлетку 1940-га, прывяло да савецкай акупацыі Літвы.
Азаронак і К, на жаль, у цяперашніх умовах маюць раскошу навешваць ярлыкі без усялякай увагі на адпаведнасць фактам і здароваму сэнсу.
Наезды на кнігарню Людміла Гладкая пасля працягнула ў сваім тэлеграм-канале. Прэтэнзіі — фактычна толькі да таго, што выдаўцы ў Беларусі асмельваюцца выдаваць і прадаваць кнігі на беларускай мове і з беларускім зместам.
Цяпер чытаюць
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства6
Каментары