Бярэзінскі біясферны запаведнік паведаміў, што неўзабаве спіс птушак нашай краіны можа папоўніцца новым відам, і гэта дзякуючы выкарыстанню спадарожнікавага GPS-перадатчыка. 22 ліпеня быў адзначаны пралёт над запаведнікам дэлаверскай чайкі.
Гэта паўночнаамерыканскі від, прадстаўнікі якога ў апошнія дзесяцігоддзі рэгулярна залятаюць у Еўропу. У сакавіку пралёт абсталяванай перадатчыкам чайкі, якой далі імя Кайзерка, прайшоў і праз Беларусь. Тады дэлаверская чайка ляцела на ўсход на новае месца гнездавання.
Дакладна вядома, што яна разам са сваім партнёрам гнездавалася пад Ніжнім Ноўгарадам і вывела нашчадкаў сярод гнездавой калоніі шызых чаек. А на шляху зваротнай міграцыі на зімоўку ў Заходнюю Еўропу чайка пралятала Беларусь (трэцяя рэгістрацыя) і ўпершыню перасекла тэрыторыю Бярэзінскага запаведніка.
Калі Беларуская арніта-фаўністычная камісія (БАФК), без рашэння якой назіранні за новымі і многімі рэдкімі для краіны відамі не маюць навуковай сілы, ухваліць рэгістрацыю дэлаверскай чайкі, то гэты від папоўніць спіс птушак Беларусі ў цэлым і Бярэзінскага біясфернага запаведніка ў прыватнасці.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС4
Каментары
бо вы сам першы перш за ўсё пры першай жа магчымасці зляцелі адсюль так, каб больш сюды не вяртацца. гэта быў цалкам ваш выбар
вы даўно-даўно не жывяце тут. не адчуваеце ні нашай мовы, ні зямлі, ні людзей
яны прыгажэйшыя... :)