Вядомы ў Брэсце і ўсёй Беларусі бізнэсмен нямецкага паходжання ў апошнія гады цяжка хварэў і пайшоў з жыцця 10 жніўня ва ўзросце 75 гадоў, піша «Вечерний Брест».
Ураджэнец Ніжняй Саксоніі прыехаў у Беларусь у 1993 годзе, а ў 1997-м стаў заснавальнікам ЗТАА «Кондар». Лакафарбавае прадпрыемства з вядомым брэндам стала адным з першых рэзідэнтаў СЭЗ «Брэст» — і дагэтуль працуе ў рэгіёне.
Сам Белер адышоў ад спраў у фірме 15 гадоў таму, у 2007 годзе, калі «Кондар» увайшоў у склад шведскага холдынгу Eskaro Group AB. Але з Брэста ў Германію не вярнуўся, жыў разам з жонкай Аленай у Цюхінічах пад Брэстам. Тут разам са сваімі дзецьмі ад першых шлюбаў і ўдачаронай у юным узросце Паўлінай пара Белераў вяла сваю гаспадарку, перыядычна наведваючыся на радзіму Белера ў нямецкі Херцберг.
У апошнія гады жыцця Белер спрабаваў вярнуцца ў бізнэс, зарэгістраваўшы ІП і займаючыся арэндай і лізінгам будаўнічых машын і абсталявання.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы4
Каментары