«Кіберпартызаны» святкуюць: узламалі сайт баранавіцкай газеты «Наш край» і сетку Гомельскага аўтапарка
Сёння хакерская групоўка «Кіберпартызаны» адзначае Дзень Кіберпартызанаў, бо роўна два гады таму, 5 верасня 2020 года, яна правяла сваю першую акцыю, узламаўшы сайт Гандлёва-прамысловай палаты. Адзначыла гэтую дату групоўка новымі акцыямі. Так, на сайце баранавіцкай раёнкі «Наш край» пад вечар з'явіліся банэры з віншаваннямі з Днём Кіберпартызанаў і надыходзячым Днём беларускай вайсковай славы, а таксама эмблема Палка Каліноўскага.
У сваім тэлеграм-канале «Кіберпартызаны» напісалі:
«Рэжым Лукашэнкі выціснуў з Беларусі ўсе незалежныя СМІ. А цяпер у праўладных памыйніцах спрабуюць стварыць свой альтэрнатыўны свет, у якім няма вайны, гвалту над беларусамі і ўкраінцамі, беззаконня і сотняў палітвязняў. Але сёння мы нагадваем прысутным прыкарытнікам — вашай хлусні ніхто не верыць. Толькі ваш страх не за жыццё або свабоду, а за кашалёк і кар'еру. Не разлічвайце на гэта апраўданне».
Таксама «Кіберпартызаны» сёння ўзламалі сетку Гомельскага аўтапарка і запатрабавалі там вызваліць 10 палітвязняў.
Хакеры сцвярджаюць, што ўдалося часткова паралізаваць ўнутраную сетку прадпрыемства, загрузіць на камп'ютары шпалеры і раздрукаваць праз карпаратыўныя друкаркі лістоўкі. Таксама ім удалося зашыфраваць базы звестак, у тым ліку ПТА, АТК, «РемЗона» і выдаліць бэкапы.
У пацверджанне былі апублікаваныя скрыншоты тэрміналаў узламаных баз звестак.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары