«Kibierpartyzany» śviatkujuć: uzłamali sajt baranavickaj haziety «Naš kraj» i sietku Homielskaha aŭtaparka
Siońnia chakierskaja hrupoŭka «Kibierpartyzany» adznačaje Dzień Kibierpartyzanaŭ, bo roŭna dva hady tamu, 5 vieraśnia 2020 hoda, jana praviała svaju pieršuju akcyju, uzłamaŭšy sajt Handlova-pramysłovaj pałaty. Adznačyła hetuju datu hrupoŭka novymi akcyjami. Tak, na sajcie baranavickaj rajonki «Naš kraj» pad viečar źjavilisia banery ź vinšavańniami z Dniom Kibierpartyzanaŭ i nadychodziačym Dniom biełaruskaj vajskovaj słavy, a taksama emblema Pałka Kalinoŭskaha.
U svaim telehram-kanale «Kibierpartyzany» napisali:
«Režym Łukašenki vycisnuŭ ź Biełarusi ŭsie niezaležnyja ŚMI. A ciapier u praŭładnych pamyjnicach sprabujuć stvaryć svoj alternatyŭny śviet, u jakim niama vajny, hvałtu nad biełarusami i ŭkraincami, biezzakońnia i sotniaŭ palitviaźniaŭ. Ale siońnia my nahadvajem prysutnym prykarytnikam — vašaj chłuśni nichto nie vieryć. Tolki vaš strach nie za žyćcio abo svabodu, a za kašalok i karjeru. Nie raźličvajcie na heta apraŭdańnie».
Taksama «Kibierpartyzany» siońnia ŭzłamali sietku Homielskaha aŭtaparka i zapatrabavali tam vyzvalić 10 palitviaźniaŭ.
Chakiery śćviardžajuć, što ŭdałosia častkova paralizavać ŭnutranuju sietku pradpryjemstva, zahruzić na kampjutary špalery i razdrukavać praz karparatyŭnyja drukarki listoŭki. Taksama im udałosia zašyfravać bazy źviestak, u tym liku PTA, ATK, «RiemZona» i vydalić bekapy.
U paćvierdžańnie byli apublikavanyja skrynšoty terminałaŭ uzłamanych baz źviestak.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?2
Kamientary