Эканоміка33

З Беларусі масава рэлакуюцца не толькі IT-кампаніі, але і транспартныя

У выніку санкцый, накладзеных на Беларусь за саўдзел у расійскай ваеннай агрэсіі супраць Украіны, па шляху рэлакацыі былі вымушаныя пайсці не толькі шматлікія IT-кампаніі, але і прадстаўнікі транспартнай галіны.

Беларускія транспартныя кампаніі з 6 красавіка не могуць працаваць на тэрыторыі ЕС. Забарона дзейнічае ўжо больш за паўгода і прывяла да таго, што беларускія перавозчыкі пачалі ўсё часцей адкрываць фірмы ў суседніх краінах Еўропы. 

Як паведаміў «Нашай Ніве» чалавек, які не адзін год працуе ў сферы лагістыкі, працэс адкрыцця фірм беларусамі ў Еўропе не спыняецца.

«У Беларусі і раней былі буйныя перавозчыкі, якія мелі фірмы і транспарт, зарэгістраваны не толькі на тэрыторыі нашай краіны, але і ў ЕС. Тое самае рабілі і некаторыя буйныя еўрапейскія перавозчыкі, у якіх былі даччыныя кампаніі ў Беларусі, Расіі ці Казахстане. Тады гэта ў першую чаргу было звязана з пытаннямі атрымання дазволаў на перавозку. Цяпер прычыны іншыя, хочаш дастаўляць грузы з Еўропы — адкрывай там фірму».

Па словах суразмоўцы, менавіта кампаніі, якія ўжо мелі дзейныя фірмы ў Еўропе, першымі пачалі актыўна пераводзіць бізнэс у іншыя краіны, бо ім не трэба было марнаваць час на адкрыццё фірмы і атрыманне ліцэнзіі. Дастаткова было толькі набыць дадатковыя грузавікі на ўжо існуючую замежную фірму.

Складаней з пераходам пад еўрапейскія сцягі было тым, каму давялося пачынаць бізнэс у ЕС з нуля. На адкрыццё фірмы і атрыманне ліцэнзіі патрэбны час. У сярэднім працэс займае 3—4 месяцы. 

Пачаткова на такія крокі наважваліся буйныя і сярэднія перавозчыкі, паколькі трэба было мець пэўную падушку бяспекі, каб накіраваць сілы на куплю транспарту і адкрыццё фірмы ў ЕС. Цяпер жа, па словах перавозчыкаў, да гэтага прыходзяць і дробныя транспартнікі.

«У людзей застаецца ўсё менш страху перад адкрыццём фірмы ў ЕС, таму працэс працягваецца, бо на рэйсах у Расію і далей на ўсход асабліва не заробіш», — прызнаецца перавозчык, які знаходзіцца ў працэсе продажу беларускіх фур.

Перавод бізнэсу пад польскую фірму даволі хутка акупіўся

«Асноўная праблема — гэта не адкрыць фірму ў ЕС і набыць там машыны, а пазбавіцца транспарту, зарэгістраванага тут — у Беларусі. Нават калі машына не знаходзіцца ў лізінгу, то знайсці купца цяпер даволі складана, бо попыт на такі транспарт знізіўся», — кажа перавозчык.

Іншы суразмоўца ўжо цалкам перайшоў да працы пад польскім сцягам. На перавод бізнэсу ў Польшчу ў яго сышло каля чатырох месяцаў. 

«Рашэнне выдаткаваць час і грошы на перавод бізнэсу ў Польшчу даволі хутка акупілася, бо тарыфы на перавозку з ЕС у РБ цяпер высокія. Апроч гэтага, трэба разумець, што ў краінах Еўропы сам транспарт каштуе значна танней, чым у нас.

За тры бусы, прададзеныя ў Беларусі, у Польшчы можна набыць чатыры-пяць аналагічных машын.

Гэта яшчэ адзін плюс на карысць працы там, бо розніца ў цэнах на транспарт пакрывае лішнія выдаткі на ўтрыманне фірмы, адкрыццё ліцэнзіі і г.д.», — дзеліцца іншы перавозчык.

Апроч гэтага, суразмоўца дадае, што наяўнасць фірмы, зарэгістраванай у ЕС, дае магчымасць перавозіць грузы не толькі з ЕС у Беларусь, але і ўнутры Еўропы. 

«Пакуль што выгадней працаваць менавіта на ўсходнім кірунку, але калі раптам здарыцца, што перавозкі ў Беларусі стануць не выгаднымі, то можна будзе рабіць па Еўропе».

Польшча, Літва, Латвія і нават Грузія

Крыху асабняком сярод перавозчыкаў стаяць тыя, хто займаецца дастаўкай аўто. У маі беларускі бок паслабіў контрсанкцыі, калі дазволіў аўтавозам дастаўляць грузы не толькі да ТЛЦ, а на любы ўнутраны пункт мытнага афармлення. 

«Амаль усе, хто меў аўтавозы ў Беларусі, хутка перайшлі пад еўрапейскую юрысдыкцыю. Сярод найбольш папулярных кірункаў — адкрыццё фірмы ў Польшчы і Літве, але ёсць і тыя беларусы, хто цяпер працуе пад латвійскім і нават грузінскім сцягамі».

Па назіраннях перавозчыка, большасць фірм, якія дастаўляюць машыны ў Беларусь, належыць менавіта беларусам. Па словах суразмоўцы, частка яго калег вырашылі не закрываць ІП і не распрадаваць беларускія грузавікі, паспрабаваўшы перанакіраваць іх на па маршруце Беларусь — РФ.

«Але хапае і тых, каму ўдалося распрадаць аўтапарк і цалкам ліквідаваць сваю дзейнасць у Беларусі», — адзначае перавозчык.

Санкцыі не дзейнічаюць?

Працэс рэлакацыі транспартнікаў за межы Беларусі чарговы раз даказвае, што санкцыі дзейнічаюць, але адбываецца гэта не аднамомантна, бо шмат для якіх рэчаў патрэбны час. Як і ў выпадку з рэлакейтам у IT-сферы, сыход часткі беларускіх перавозчыкаў пад юрысдыкцыю іншых краін прывядзе да таго, што падаткі і іншыя адлічэнні, якія раней паступалі ў наш бюджэт, — сыдуць у Польшчу, Літву і іншыя краіны. Добра, калі ўласнікі бізнэсу застануцца жыць у Беларусі і траціць заробленыя грошы ўнутры краіны, але горш, калі разам з бізнэсам з краіны з'едуць і людзі. 

«Наша Нiва» — бастыён беларушчыны

ПАДТРЫМАЦЬ

Чытайце таксама: Дзве кампаніі з беларускімі каранямі ўвайшлі ў топ-3 IT-кампаній у Літве 

Санкцыі засталіся, а дастаўка ў Беларусь падаражэе. Што змянілася ў дачыненні да еўрапейскіх перавозчыкаў?

Каментары3

  • Шлагбаум
    30.10.2022
    -Динамо рэлякуется ? - Всё рэлякуются !
  • SHOS
    30.10.2022
    Вывод статьи хоро, да. Медленная адаптация экономики, схлопывание фирм, деградация.
    Браво, вялики иканамист!
  • Справка
    30.10.2022
    [Рэд. выдалена]

Цяпер чытаюць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць5

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Усе навіны →
Усе навіны

Галоўчанка не бачыць прыкмет перагрэву эканомікі3

У МАРГ расказалі, як у Беларусі зменіцца рэгуляванне цэн

У Брэсце за ўдзел у пратэстах асудзілі вядомага лёгкаатлета

Што з праектам пашпарта Новай Беларусі?25

Польскія памежнікі паказалі, як мігранты спрабуюць пераадолець на мяжы падвоеную перашкоду ВІДЭА2

На фронце ва Украіне знік без вестак яшчэ адзін беларус, які паваяваў на баку Расіі месяц3

Будучыня беларускага электрамабіля ў тумане: «Магілёўліфтмаш» і «Вымяральнік» робяць занадта дарагія запчасткі1

У Лідскім раёне можна набыць пад жыллё будынак былой чыгуначнай станцыі 120-гадовага ўзросту1

Беларусы Варшавы масава пайшлі на канцэрт Валерыя Меладзэ61

больш чытаных навін
больш лайканых навін

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць5

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Галоўнае
Усе навіны →

Заўвага:

 

 

 

 

Закрыць Паведаміць