Храм з’явіцца на вуліцы Філімонава. Кіраўнік Нова-Нахічэванскай і Расійскай епархіі Армянскай апостальскай царквы арцыбіскуп Езрас асвяціў вылучаны ўчастак і заклаў капсулу ў фундамент храма. Пра гэта агенцтву «Мінск-Навіны» распавяла арганізатар мінскай армянскай маладзёжнай абшчыны Крысціне Аганісян.
Царква будзе вышынёю 24 метры. «Храм стане душой беларускіх армян. Бо менавіта храм напаўняе душу Богам», — сказала Аганісян.
У Беларусі жывуць каля 8,5 тысяч армян, з іх амаль 2 тысячы — у беларускай сталіцы. У Мінску працуе нядзельная школа, выдаецца інтэрнэт-газета, створаны ансамбль «Эрэбуні».
— Сталічная абшчына нешматлікая, але вельмі дружная, — кажа Аганісян. — Удзельнікі беражліва захоўваюць і перадаюць нацыянальныя традыцыі наступным пакаленням. Нават тыя, хто нарадзіўся і вырас у Беларусі, дакладна ўсведамляюць сябе армянамі і вельмі чакаюць адкрыцця храма.
-
Лукашэнка з'явіўся на дзіцячым навагоднім свяце пасля падзення на хакейным матчы
-
«Усіх цудоўных слоў свету недастаткова, каб расказаць, які ён». Кітайская жонка загінулага беларускага добраахвотніка распавяла пра яго
-
Калекцыянер займеў купюру з двума рознымі серыйнымі нумарамі і засумняваўся ў сапраўднасці
Каментары
Але, калі ўжо ў нас пачнуць будаваць сапраўдныя беларускія цэрквы, а не маскоўскія з імперскімі цыбулінамі?