Для беларускіх турыстаў, якія знаходзяцца на Блізкім Усходзе, выдалі інструкцыю
У сувязі з абвастрэннем сітуацыі на Блізкім Усходзе Нацыянальнае агенцтва па турызме падрыхтавала рэкамендацыі для грамадзян Беларусі, якія знаходзяцца ў рэгіёне з турыстычнымі мэтамі.
Беларусам раяць па магчымасці заставацца ў бяспечным месцы — у нумары гатэля або іншым сховішчы. Выходзіць на вуліцу варта толькі ў выпадку крайняй неабходнасці.
Падарожнікаў просяць строга выконваць усе рэкамендацыі мясцовых уладаў і адміністрацыі месца пражывання, звязаныя з бяспекай. Таксама настойліва рэкамендуецца пазбягаць людных месцаў, зон баявых дзеянняў, а таксама вайсковых і стратэгічных аб’ектаў.
Не варта фатаграфаваць або здымаць на відэа выбухі, удары і разбурэнні, бо гэта можа прыцягнуць непажаданую ўвагу і стварыць пагрозу жыццю.
Агенцтва заклікае рэгулярна выходзіць на сувязь з роднымі ў Беларусі і паведамляць пра сваё месцазнаходжанне і стан здароўя. Важна сачыць толькі за афіцыйнымі крыніцамі інфармацыі і не распаўсюджваць чуткі ці недакладныя звесткі.
Турыстам таксама нагадваюць пра неабходнасць тэрмінова звязацца з пасольствам або консульствам Беларусі ў краіне знаходжання. Для гэтага працуюць гарачыя лініі.
Дыпламаты, як сцвярджаецца, ужо аказваюць неабходную дапамогу беларусам у зоне канфлікту. Нацыянальнае агенцтва па турызме каардынуе свае дзеянні з консульскімі службамі, турыстычнымі кампаніямі і авіяперавозчыкам, трымаючы сітуацыю пад пастаянным кантролем.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары