Нягледзячы на крызісныя эканамічныя і палітычныя з'явы, на рынку сталічных кватэр у 2022 годзе назіраўся ажыятаж. Колькасць здзелак з кватэрамі за ўвесь мінулы год стала максімальнай за ўсю гісторыю назіранняў. Прычым была прададзеная нечуваная колькасць таннага жылля цаной да 50 тыс. даляраў, піша Realt.by.
«На фоне агульнай нестабільнасці найбольш зразумелым спосабам захавання зберажэнняў для шырокіх мас насельніцтва з'яўляецца купля нерухомасці», — тлумачаць феномен аналітыкі Realt.
Характэрна, што пакупнікі сталі больш цікавіцца двух- і трохпакаёвымі кватэрамі. А доля «аднапакаёвак» у здзелках знізілася.
Разам з тым апошнія тры гады ўсё больш пакупнікоў знаходзяць сабе «бюджэтныя» кватэры да 50 тысяч даляраў. У 2022 годзе іх доля дасягнула 35% ад усіх заключаных здзелак, што з'яўляецца самым высокім значэннем за апошнія 5 гадоў.
У той жа час доля здзелак ад 100 тысяч даляраў зніжаецца ўжо трэці год запар: за 12 месяцаў яна склала толькі 7%.
Найбольш папулярнымі ў пакупнікоў (амаль чвэрць усіх здзелак) былі кватэры, якія размяшчаюцца ў Фрунзенскім раёне.
Сярэдняя цана рэальных здзелак паднялася за 12 месяцаў на 2,5%, цэны прапановы выраслі за год на 1,6%.
На фоне крызісных падзей на пачатку 2022 года назіралася рэзкае зніжэнне сярэдніх цэн набытых кватэр у Мінску па ўсіх сегментах. Аднак за кошт павелічэння попыту цэны здзелак на другасным рынку паказалі рост і вярнуліся да ўзроўню, устаноўленага ў першы месяц года.
Аднапакаёвыя кватэры падаражэлі на 5,6%, а трохпакаёвыя, наадварот, патаннелі на 1,2%.
Самая дарагая кватэра, набытая на другасным рынку ў 2022 годзе, абышлася пакупніку ў 731 тысячу даляраў. Яна была чатырохпакаёвай агульнай плошчай 297 квадратных метраў, размяшчалася на вуліцы Кісялёва.
Чытайце таксама:
На плошчы Перамогі ў Мінску прадаецца кватэра тэледзівы Элеаноры Язерскай. Колькі каштуе?
Да 28 «квадратаў». Якія мікракватэры прадаюць у Мінску
Стала вядома, якія дамы з'явяцца на месцы так і не дабудаванага ГЦ «Гулівер»
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі27
Каментары