З'явілася відэа з расстрэлам вайскоўца, які кажа «Слава Украіне». Што пра гэта вядома?
Учора ў сеціве стала распаўсюджвацца відэа, на якім расстрэльваюць бяззбройнага чалавека ў форме УСУ за вокліч «Слава Украіне». Вайсковец падае, голас за кадрам працягвае лаяцца.
Дзе і калі зроблены запіс, невядома. Асоба меркаванага загінулага — таксама. Ва ўкраінскіх СМІ з'явілася версія, што на відэа — вайсковец 72 брыгады «Чорных Запарожцаў» з пазыўным «Магніт», аднак журналіст Юрый Бутусаў абверг гэта.
Расійскія Z-паблікі выказваюць розныя версіі — ад поўнай пастаноўкі да расстрэлу расійскага палоннага, пераапранутага ў форму УСУ.
Канал «Grey Zone» (яго звязваюць з ПВК «Вагнер») піша, што нічога дзіўнага ў кадрах няма: «У нас склалася пакаленне кантэнт-ваяроў. Кожны хоча вызначыцца прыгожай фота ці відэа з вайны. Каб паслаць дадому па WhatsApp пацанам або ў вайсковую часць».
На відэа адрэагавалі ўкраінскія афіцыйныя асобы.
«Сёння зʼявілася відэа, як акупанты па-звярынаму забілі воіна, які смела сказаў ім у вочы: «Слава Украіне!». Хачу, каб мы ўсе разам адказалі на яго словы: «Герою слава! Героям слава! Украіне слава!». І мы знойдзем забойцаў», — заявіў у вечаровым звароце Уладзімір Зяленскі ўвечары 6 сакавіка.
Генпракуратура Украіны распачала крымінальную справу аб парушэнні законаў і звычаяў вайны. Міністр замежных спраў Украіны Дзмітрый Кулеба звярнуўся да пракурора Міжнароднага крымінальнага суда Карыма Хана і запатрабаваў правесці расследаванне.
— Володимир Зеленський (@ZelenskyyUa) March 6, 2023
Расійскія ўлады пакуль не каментавалі відэа. Афіцыйныя пракрамлёўскія СМІ таксама маўчаць.
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну2
Каментары
Ну кто,кто—любитель балалаек с портянками,среди беларусов есть и такие. Точнее,среди т.н. «беларусов»,по сути—маргиналов,вечно смотрящих в рот москве.
Артист,говоришь...ты видел,что с его головой в конце происходит?
Много хозяева отслюнявили?