Пасля размовы з правакатарам у чат-рулетцы за словы падтрымкі Украіне затрымалі расіяніна
Лукашысты пахваліліся затрыманнем грамадзяніна Расіі, які жыве ў Лагойску. Ім у гэтым дапамог сумна вядомы правакатар з Мазыра Юрый Комар, пасля размоў з якім затрымалі не адзін дзясятак чалавек, піша reform.by.
Падчас размовы ён прывітаў Комара воклічам «Слава Украіне», а таксама расказаў, што падтрымлівае Украіну «ўсімі рукамі і нагамі, і целам, і душой», выказаўся пра Пуціна і Лукашэнку.
Лукашысты сцвярджаюць, што мужчынам ужо цікавіліся органы дэпартамента па міграцыі і пасля пакарання ён будзе дэпартаваны. Імя мужчыны не называецца.
Пра дзейнасць Юрыя Комара стала вядома на пачатку гэтага года. Пасля публікацый пра яго садзейнічанне рэпрэсіўным органам рэжыму Лукашэнкі ён страціў працу дальнабойніка ў Польшчы.
Правакатара з чат-рулеткі, па чыіх наводках затрымлівалі людзей, звольнілі з польскай фірмы
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі2
Каментары