Былога ўладальніка «Мотавела» вызвалілі ўмоўна-датэрмінова — «Белсат»
Былога ўладальніка завода «Мотавела» Аляксандра Мураўёва вызвалілі ўмоўна-датэрмінова, па сутнасці, ён «разлічыўся з беларускім «правасуддзем». Пра гэта тэлеканалу «Белсат» паведаміла «незалежная дасведчаная крыніца».
Учора выданне Office Life паведаміла, што экс-уладальнік «Мотавела» і шклозавода «Ялізава» бізнэсмен Аляксандр Мураўёў быў вызвалены недзе ў снежні-студзені і практычна адразу пакінуў краіну. Як мяркуецца, цяпер ён жыве ў Дубаі (ААЭ).
У студзені 2017 года бізнэсмена асудзілі да 11 гадоў пазбаўлення волі з канфіскацыяй маёмасці за махлярства, крадзяжы, нявыплату падаткаў і іншыя злачынствы. Гэты тэрмін застаўся і пасля другога суда: у маі 2018 года бізнэсмена судзілі за нявыплату падаткаў у асабліва буйным памеры.
На пачатку года з'яўлялася інфармацыя, што Мураўёў неўзабаве апынецца на волі, бо яму змянілі меру ўтрымання — з калоніі на «хімію».
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары