Wildberries запускае продаж электронікі і тэхнікі пад уласнай гандлёвай маркай
Спачатку продажы пачнуцца ў Расіі, а пазней — у Беларусі, Казахстане, Арменіі і ў іншых краінах прысутнасці рэтэйлера.
Анлайн-рэтэйлер Wildberries запускае продаж электронікі і бытавой тэхнікі пад уласнай гандлёвай маркай. Пра гэта гаворыцца ў паведамленні кампаніі.
«У найбліжэйшы час на Wildberries стануць даступныя каля 100 новых найменняў рознай бытавой тэхнікі і электронікі — халадзільнікі, пральныя машыны, пыласосы, блэндары, міксеры, тэлевізары і многае іншае пад уласнай гандлёвай маркай. Тэставыя пастаўкі і продажы электронікі ўжо пачаліся, попыт на іх перасягнуў чаканні», — адзначаецца ў паведамленні.
Па даных кампаніі, праз некалькі месяцаў з'явяцца і гаджаты пад уласнымі гандлёвымі маркамі: планшэты, ноўтбукі і смартфоны. Кошт такой прадукцыі будзе ў сярэднім сегменце.
Для гэтых паставак кампанія размясціла заказы на зборку прадукцыі на высокатэхналагічных вытворчасцях КНР, Расіі і Беларусі. Спачатку продажы пачнуцца ў Расіі, а пазней — у Беларусі, Казахстане, Арменіі і ў іншых краінах прысутнасці рэтэйлера.
Wildberries паспрабаваў зменшыць тэрмін захоўвання тавараў, але ўрэшце адкруціў усё назад
Супрацоўнікі Wildberries абвясцілі маштабную забастоўку па ўсёй Расіі
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам5
Каментары